ରିଓ ଡେ’ ଜାନିରୋ,୧୧।୭: ବଡ଼ ଅନ୍ତର୍ଜାତୀୟ ଟୁର୍ନାମେଣ୍ଟରେ ଦେଶ ପାଇଁ ଟ୍ରଫି ଜିତିବାର ଫୁଟବଲ ସୁପରଷ୍ଟାର ଲିଓନେଲ ମେସିଙ୍କ ଆଶା ପୂରଣ ହୋଇଛି। ଶନିବାର ଖେଳାଯାଇଥିବା କୋପା ଆମେରିକା ଫାଇନାଲରେ ଆର୍ଜେଣ୍ଟିନା ୧-୦ ଗୋଲରେ ବ୍ରାଜିଲକୁ ହରାଇ ଦେଇଛି। ଏହା ସହ ଦୀର୍ଘ ୨୮ ପରେ ଆର୍ଜେଣ୍ଟିନା ହାତେଇଛି ପ୍ରଥମ କୋପା ଆମେରିକା ଟ୍ରଫି। ଆଞ୍ଜେଲ ଡି ମାରିଆ (୨୨ ତମ ମିନିଟ୍)ଙ୍କ ଗୋଲ ଯୋଗୁ ପୂରଣ ହୋଇପାରିଛି ମେସିଙ୍କ ସ୍ବପ୍ନ।
ଅନ୍ୟପକ୍ଷରେ ମାରାକାନା ଷ୍ଟାଡିୟମରେ ଅଢ଼େଇ ହଜାର ଦର୍ଶକଙ୍କ ସାମ୍ନାରେ ଭାଙ୍ଗି ଯାଇଛି କୋପା ଆମେରିକା ଟୁର୍ନାମେଣ୍ଟରେ ବ୍ରାଜିଲର ଅପରାଜେୟ ଧାରା। ପୂର୍ବରୁ ୫ ଥର ଟୁର୍ନାମେଣ୍ଟ ଆୟୋଜନ କରିଥିବା ବ୍ରାଜିଲ ପ୍ରତ୍ୟେକ ଥର ଚାମ୍ପିୟନ ହୋଇଥିଲା। କିନ୍ତୁ ଏଥର ଉପ ବିଜେତାରେ ସନ୍ତୁଷ୍ଟ ରହିବାକୁ ପଡ଼ିଛି ଜୁନିୟର ନେମାରଙ୍କ ଦଳକୁ।
ଆର୍ଜେଣ୍ଟିନା ଅନ୍ତିମ ଥର ୧୯୯୩ରେ ଜିତିଥିଲା ଦକ୍ଷିଣ ଆମେରିକାର ଏହି ସମ୍ମାନଜନକ ଟ୍ରଫି। ଗାବ୍ରିଏଲ ବାତିସ୍ତୁତାଙ୍କ ନେତୃତ୍ୱାଧୀନ ଆର୍ଜେଣ୍ଟିନା ୨-୧ ଗୋଲରେ ମେକ୍ସିକୋକୁ ହରାଇ କୋପା ଆମେରିକା ଟ୍ରଫି ଜିତିଥିଲା।