ନୂଆଦିଲ୍ଲୀ,୬।୮: ଫିକି ଇଣ୍ଡିଆର ସିନିୟର ଭାଇସ ପ୍ରେସିଡେଣ୍ଟ ତଥା ଇମ୍ଫାର ପରିଚାଳନା ନିର୍ଦ୍ଦେଶକ ଶୁଭ୍ରକାନ୍ତ ପଣ୍ଡା ଶୁକ୍ରବାର ନୂଆଦିଲ୍ଲୀଠାରେ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରାମନଙ୍କୁ ଭେଟି ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି। ଉକ୍ତ ବୈଠକରେ ଦେଶର ପ୍ରମୁଖ ବ୍ୟବସାୟୀ ଶିଳ୍ପପତି ସନ୍ଦୀପ ସୋମାନି, ହର୍ଷପତି ସିଙ୍ଘାଣିଆଙ୍କ ସମେତ ଫିକିର ଡାଇରେକ୍ଟର ଜେନେରାଲ ଅରୁଣ ଚାୱଲା ପ୍ରମୁଖ ଉପସ୍ଥିତ ଥିଲେ। ଏହି ପରିପ୍ରେକ୍ଷୀରେ ପଣ୍ଡା, କଠିନ ସମୟ ମଧ୍ୟରେ ଅର୍ଥନୀତିର ସଫଳ ନିୟନ୍ତ୍ରଣ ନିମନ୍ତେ ସୀତାରାମନଙ୍କୁ ଉଚ୍ଚ ପ୍ରଶଂସା କରିବା ସହ ବିଭିନ୍ନ ଗୁରୁତ୍ୱପୂର୍ଣ୍ଣ ବିଷୟ ଉପରେ ପ୍ରସ୍ତାବ ମଧ୍ୟ ରଖିଥିଲେ।