ଭୁବନେଶ୍ୱର,୧୯।୯: ଦେଶର ପ୍ରମୁଖ ସୋସିଆଲ ମିଡିଆ ଫେସ୍ବୁକ (ମେଟା)ର ବ୍ୟବହାରକୁ ସଫଳ ଭାବେ ଉପଯୋଗ କରି ଓଡ଼ିଶାର କ୍ରିଏଟରମାନେ ଜଣେ ଜଣେ ସଫଳ ଉଦ୍ୟୋଗୀ (ଷ୍ଟାର୍ଟଅପ) ଭାବେ ମଧ୍ୟ ପରିଚୟ ସୃଷ୍ଟି କରିପାରିଛନ୍ତି। ଉକ୍ତ ସଫଳତାର ସଫଳ କାହାଣୀକୁ ସମସ୍ତଙ୍କ ସହ ଶେୟାର କରିବା ପାଇଁ ମେଟା ପକ୍ଷରୁ ନିକଟରେ ସ୍ଥାନୀୟ ପାତ୍ରପଡାଠାରେ ଏକ ସ୍ବତନ୍ତ୍ର ସମାରୋହର ଆୟୋଜନ କରାଯାଇଥିଲା। ବିଶେଷକରି ଓଡ଼ିଶାର କ୍ରିଏଟରମାନେ ରିଲ୍ସର ଗ୍ଲୋବାଲ ଭୂମିକାକୁ ପାଳନ କରିବା ଉଦ୍ଦେଶ୍ୟରେ ସେଠାରେ ଏକତ୍ର ହୋଇଥିଲେ। ଏପରିକି ଉକ୍ତ ସମାରୋହରେ ସବୁ ବର୍ଗର କ୍ରିଏଟରମାନେ ଯୋଗ ଦେଇଥିଲେ। ସେହିଭଳି ଇନଷ୍ଟାଗ୍ରାମ ଓ ଫେସବୁକର ରିଲ୍ସ ହେଉଛି ଏକ ବିଶ୍ୱସ୍ତରୀୟ ପର୍ଯ୍ୟାୟ ଓ ମେଟାର ପ୍ଲାଟଫର୍ମରେ ଲୋକ ଓ ବ୍ୟବସାୟ ପାଇଁ ସର୍ବୋତ୍ତମ ସ୍ଥାନ ହାସଲ କରିଛି। ଓଡ଼ିଶାର ବିଭିନ୍ନ ବିଷୟ ବସ୍ତୁକୁ କ୍ରିଏଟରମାନେ ରିଲ୍ସରେ ସୁନ୍ଦର ଭାବେ ନିଜର ପ୍ରତିଭା ପ୍ରଦର୍ଶନ କରୁଛନ୍ତି। ଏପରିକି ଟ୍ରେଣ୍ଡ ସୃଷ୍ଟି ସହ ଇନଷ୍ଟାଗ୍ରାମ ତଥା ଫେସବୁକରେ ଏକ ସ୍ଥାନୀୟ ତଥା ରାଷ୍ଟ୍ରୀୟ ଗୋଷ୍ଠୀ ମଧ୍ୟ ଗଠନ କରୁଛନ୍ତି। ଏ ସମ୍ପର୍କରେ ଫେସବୁକ ଇଣ୍ଡିଆ(ମେଟା)ର ମୁଖ୍ୟ-କ୍ରିଏଟର ପାର୍ଟନରଶିପ ଅଙ୍କୁର ବୈଶ କହିଛନ୍ତି, ଆଜି ରିଲ୍ସ ହେଉଛି ଏକ ଗ୍ଲୋବାଲ ପ୍ଲାଟଫର୍ମ, ଯେଉଁଥିରେ ଓଡ଼ିଶାର କ୍ରିଏଟରମାନେ ସେମାନଙ୍କ ସୃଜନଶୀଳତାର ପରିଚୟ ସୃଷ୍ଟି କରିପାରିଛନ୍ତି। ଉକ୍ତ ସମାରୋହ ଜରିଆରେ ସେମାନଙ୍କୁ ଉତ୍ସାହ ପ୍ରଦାନ କରିବା ଓ ପରସ୍ପର ସହ ସହଯୋଗିତାକୁ ସୁଦୃଢ କରିବା ଉଦ୍ଦେଶ୍ୟରେ ଏଭଳି ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଆମେ ମଧ୍ୟ ଆଶା କରୁ ଯେ ଏହି ପ୍ଲାଟଫର୍ମ ନେଟୱର୍କିଂ ଅଧିକ ସଦୃଢ ହୋଇ ପ୍ରତିଷ୍ଠିତ ତଥା ଉଦୀୟମାନ କ୍ରିଏଟରଙ୍କ ପ୍ରତିଭାକୁ ଦ୍ୱିଗୁଣିତ କରିବ ବୋଲି ବୈଶ ମତବ୍ୟକ୍ତ କରିଛନ୍ତି।