ନୁୟର୍କ,୧୨।୭: ସୋସିଆଲ ମିଡିଆ ପ୍ଲାଟଫର୍ମ ‘ମେଟା’ ଅଷ୍ଟ୍ରେଲୀୟ ସାଂସଦମାନଙ୍କୁ କହିଛି ଯେ, ନକଲି ଫେସବୁକ ଆକାଉଣ୍ଟଗୁଡିକର ନେଟୱାର୍କ ଚାଇନାରୁ ଚାଲିଛି, ଯାହା ବିଦେଶରେ ମତଭେଦ ସୃଷ୍ଟି କରିବାର ଏକ ନୂତନ ନୀତି ଆପଣେଇଛି। ବିଦେଶୀ ହସ୍ତକ୍ଷେପ ଉପରେ ସିନେଟ ଯାଞ୍ଚର ସମ୍ମୁଖୀନ ହୋଇ ମୂଳ କମ୍ପାନୀ ମେଟାର କାର୍ଯ୍ୟନିର୍ବାହୀମାନେ କହିଛନ୍ତି ଯେ, ଗତ ସାତ ମାସ ମଧ୍ୟରେ ଚାଇନା ନେଟୱାର୍କ ଦ୍ୱାରା ରଣନୀତିରେ ଏକ ବଡ଼ ପରିବର୍ତ୍ତନ ହୋଇଛି।
ମେଟା ମୁଖପାତ୍ର ଜୋଶ ମାଚିନ କହିଛନ୍ତି ଯେ, ଚାଇନାର ଫେସବୁକ ଆକାଉଣ୍ଟଗୁଡିକର ସମନ୍ବିତ ନେଟୱାର୍କ ସାମ୍ବାଦିକ, ଏବଂ ଜନସମ୍ପର୍କ ସଂସ୍ଥାକୁ ଟାର୍ଗେଟ କରି ଜନମତ ଉପରେ ପ୍ରଭାବ ପକାଉଛି। ସାଂସଦମାନେ ଯେତେବେଳେ ପଚାରିଲେ, ମାଚିନ କହିଛନ୍ତି, ଆମେ ଏକ ନୂଆ ସିରିଜ ରଣନୀତି ପ୍ରସ୍ତୁତ କରୁଛୁ। ୟୁରୋପରେ ଏକ ସମନ୍ବିତ ବିଚ୍ଛିନ୍ନତା ଅଭିଯାନ ଚଳାଉଥିବା ଏକ ଚାଇନିଜ ନେଟୱାର୍କ ସହିତ ଲିଙ୍କ ହୋଇଥିବା ନିକଟରେ ଫେସବୁକ ଆକାଉଣ୍ଟକୁ ମେଟା ହଟାଇଦେଇଛି।