ନୂଆଦିଲ୍ଲୀ,୧୨।୩: ଫେସବୁକ୍ର ପ୍ୟାରେଣ୍ଟ କମ୍ପାନୀ ମେଟା ଆସନ୍ତା ସପ୍ତାହରେ ଦ୍ୱିତୀୟ ରାଉଣ୍ଡରେ ଅତିରିକ୍ତ ଛଟେଇ କରିବାକୁ ଯାଉଛି। ଗତ ବର୍ଷ ଭଳି ଏଥର ମଧ୍ୟ କମ୍ପାନୀ ୧୩% ଅର୍ଥାତ ପ୍ରାୟ ୧୧,୦୦୦ କର୍ମଚାରୀଙ୍କୁ ଛଟେଇ କରିପାରେ। ଏହା ଅଧୀନରେ ଅଣ-ଇଞ୍ଜିନିୟରିଂ ବିଭାଗର କର୍ମଚାରୀ ପ୍ରଥମେ ଚାକିରି ହରାଇବାର ସମ୍ଭାବନା ରହିଛି।
ଦ ଓ୍ବାଲ ଷ୍ଟ୍ରିଟ୍ ଜର୍ଣ୍ଣାଲରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ମେଟା ପ୍ଲାଟଫର୍ମ ଆସନ୍ତା ମାସଗୁଡ଼ିକରେ ଅନେକ ରାଉଣ୍ଡରେ ଅତିରିକ୍ତ ଛଟେଇ କରିବାକୁ ଘୋଷଣା କରିପାରେ। ଏହା ଗତ ବର୍ଷ କର୍ମଚାରୀ ସଂଖ୍ୟାର ୧୩% ହ୍ରାସ ସହ ସମକକ୍ଷ ହେବ।