ମେକ୍ସିକୋ ସିଟିରେ ‘ଆଭେନିଡା ଇଜଟୋକ୍ଲୋକ୍-୯’ ଠିକଣା ଥିବା ଘରକୁ ଆଜିକାଲି ଗୁଗଲ ମ୍ୟାପ୍ରେ ଖୁବ୍ ସର୍ଚ୍ଚ କରାଯାଉଛି। ଏହାର କାରଣ ହେଲା ଘରର କାନ୍ଥ ଏବଂ ପାଚେରୀ ଅଜବ କଣ୍ଢେଇରେ ସବୁ ସଜାଯାଇଛି। ଏହି କଣ୍ଢେଇ ଯୋଗୁ ଘର ଭୟାନକ ଦିଶୁଛି। ତେଣୁ ଲୋକେ ରାତିରେ ଏହି ଘର ସାମ୍ନାରେ ଠିଆ ହେବାକୁ ଭୟ କରିଥାନ୍ତି।
ଟିକ୍ଟକ୍ ବ୍ୟବହାରକାରୀ ଫର୍ନାଣ୍ଡୋ ମାତା ଏହାର ଏକ ଭିଡିଓ ତାଙ୍କ ସେଗ୍ମେଣ୍ଟ ‘ଆମାଜିଙ୍ଗ ଥିଙ୍ଗସ ଅଫ୍ ଆର୍ଥ’ରେ ଶେୟାର କରିବା ପରେ ଏହି ଘର ଚର୍ଚ୍ଚାକୁ ଆସିଥିଲା। ସେହିଦିନଠାରୁ ଏହି ଘର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ସେହିଦିନଠାରୁ ଫର୍ନାଣ୍ଡୋ ତାଙ୍କ ଘରେ ଅଜବ ଜିନିଷର ଫଟୋ ଏବଂ ଭିଡିଓ ଶେୟାର କରିବା ଜାରି ରଖିଛନ୍ତି। ସେ ଅଦ୍ଭୁତ ଜିନିଷ ଖୋଜିବାକୁ ଭଲ ପାଆନ୍ତି। ଫର୍ନାଣ୍ଡୋ ‘ଆଭେନିଡା ଇଜଟୋକ୍ଲୋକ-୯’ ରେ ଏକ ଭିଡିଓ ପ୍ରସ୍ତୁତ କରିଥିଲେ। ଏଥିରେ କହିଥିଲେ, ଏହି ଠିକଣାରେ ଏକ ଅଦ୍ଭୁତ ଘର ଅଛି। ତେଣୁ ଲୋକେ ଗୁଗଲ୍ ମ୍ୟାପ୍ରେ ଏହି ଘର ଖୋଜିବାରେ ଲାଗିପଡ଼ିଛନ୍ତି।