ମେକ୍ସିକୋ ସିଟି,୧୨।୫: ମେକ୍ସିକୋ-ଗ୍ବାଟେମାଲା ସୀମାରେ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି। ରକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୪ଥିବା ରେକର୍ଡ କରାଯାଇଛି। ଏପର୍ଯ୍ୟନ୍ତ କୌଣସି ବଡ଼ କ୍ଷୟକ୍ଷତିର ଖବର ନାହିଁ। ଭୂକମ୍ପ ଯୋଗୁଁ ଲୋକମାନେ ଭୟଭୀତ ହୋଇ ଘରୁ ବାହାରକୁ ଆସିଥିଲେ। ମେକ୍ସିକୋର ସୁଚାଇଟ ସହରରେ ସକାଳ ୬ଟାରେ ଭୂକମ୍ପର କମ୍ପନ ଅନୁଭୂତ ହୋଇଥିଲା। ସୁଚିଆଟ ସହର ମେକ୍ସିକୋ-ଗୁଆଟେମାଲା ସୀମାରେ ଅବସ୍ଥିତ ଏବଂ ସୁଚିଆଟ ନଦୀ ଦୁଇ ଦେଶର ସୀମାକୁ ପୃଥକ କରିଛି । ସୁଚିଟ ନଦୀ ଯେଉଁସ୍ଥାନରେ ସମୁଦ୍ରରେ ପଡିଛି ସେହିଠାରେ ଭୂକମ୍ପର କେନ୍ଦ୍ରସ୍ଥଳ ଥିଲା ।
ଭୂକମ୍ପ ଯୋଗୁଁ କୌଣସି କ୍ଷୟକ୍ଷତିର ଖବର ନାହିଁ, କିନ୍ତୁ ଭୂକମ୍ପ ଯୋଗୁଁ ପାହାଡ଼ିଆ ଅଞ୍ଚଳରେ ଭୂସ୍ଖଳନ ହେବାର ସମ୍ଭାବନା ରହିଛି। ଗୁଆଟେମାଲାର କେତେକ ସ୍ଥାନରେ ଭୂସ୍ଖଳନ ଘଟିଛି, କିନ୍ତୁ ସେଠାରେ ମଧ୍ୟ କୌଣସି ବଡ଼ କ୍ଷୟକ୍ଷତିର ଖବର ନାହିଁ। ଗତ ବର୍ଷ ଡିସେମ୍ବରରେ ମେକ୍ସିକୋରେ ମଧ୍ୟ ଭୂକମ୍ପର କମ୍ପନ ଅନୁଭୂତ ହୋଇଥିଲା। ସେହି ସମୟରେ ଭୂକମ୍ପର ତୀବ୍ରତା ରକ୍ଟର ସ୍କେଲରେ ୫.୮ ରେକର୍ଡ କରାଯାଇଥିଲା। ଭୂକମ୍ପ ଯୋଗୁଁ କୋଠାଗୁଡ଼ିକ କମ୍ପିବାକୁ ଲାଗିଲା, କିନ୍ତୁ ସୌଭାଗ୍ୟବଶତଃ ଏଥିରେ କୌଣସି ବଡ଼ କ୍ଷତି ହୋଇ ନଥିଲା।
