ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ୧୯୭୯ରେ ହାୱାଇର ପୁନାହୌ ସ୍କୁଲରେ ବାସ୍କେଟବଲ ମ୍ୟାଚ ସମୟରେ ପିନ୍ଧିଥିବା ଜର୍ସି ୧୯୨,୦୦୦ ଡଲାର ଅର୍ଥାତ୍ ୧ କୋଟି ୪୦ ଲକ୍ଷ ଟଙ୍କାରେ ବିକ୍ରି ହୋଇ ନିଲାମରେ ବିଶ୍ୱ ରେକର୍ଡ ସୃଷ୍ଟି କରିଛି। ଆଜିପର୍ଯ୍ୟନ୍ତ ନିଲାମରେ ବିକ୍ରି ହୋଇଥିବା ଏକ ଉଚ୍ଚ ବିଦ୍ୟାଳୟର ଜର୍ସି ଦାମ୍ ମଧ୍ୟରେ ଏହା ସର୍ବାଧିକ। ଓବାମା ପିନ୍ଧିଥିବା ଅତି ସ୍ବତନ୍ତ୍ର ଧଳା ଜର୍ସି ସଂଖ୍ୟା ୨୩। ୫ ଥର ଏନ୍ବିଏର ମୂଲ୍ୟବାନ ଖେଳାଳି ଏବଂ ୧୪ଥର ଏନ୍ବିଏ ଅଲ-ଷ୍ଟାର ପ୍ଲେମେକର ପିନ୍ଧିଥିବା ଯେକୌଣସି ଜର୍ସି ପାଇଁ ଏହା ହେଉଛି ରେକର୍ଡ ନିଲାମ ବିକ୍ରି। ଓବାମାଙ୍କ ଧଳା ନମ୍ବର ୨୩ ଜର୍ସି ୧୯୨,୦୦୦ ଡଲାରରେ ନିଲାମ ହୋଇଛି। ୧୯୭୯ରେ ହାୱାଇ ଷ୍ଟେଟର ପୁନାହୌ ସ୍କୁଲ ବିପକ୍ଷ ଚାମ୍ପିଅନସିପ ମ୍ୟାଚରେ ଓବାମା ଏହି ଜର୍ସି ପିନ୍ଧିଥିଲେ। ସୂଚନାଯୋଗ୍ୟ, ବାସ୍କେଟବଲ ମ୍ୟାଚ ଏବଂ ସିରିଜ ଆୟୋଜନ କରିବା ପାଇଁ ଏନ୍ବିଏ ହେଉଛି ଆମେରିକାର ସବୁଠାରୁ ବଡ ସଂଗଠନ।