ନୂଆଦିଲ୍ଲୀ,୨୬।୮: ଭାରତ ବିପକ୍ଷ ଟେଷ୍ଟ ସିରିଜର ତୃତୀୟ ମ୍ୟାଚ୍ରେ ଇଂଲଣ୍ଡ ନିଜର ଦବ୍ଦବା ଜାହିର କରିଛି। ଦଳର ବୋଲର୍ ଜେମ୍ସ ଆଣ୍ଡରସନ, କ୍ରେଗ୍ ଓଭରଟନ, ଓଲି ରବିନସନ, ସାମ କୁରାନ ପ୍ରମୁଖଙ୍କ ଯୋଗୁ ଭାରତ ପ୍ରଥମ ପାଳିରେ ମାତ୍ର ୭୮ ରନ୍ରେ ଅଲଆଉଟ୍ ହୋଇଥିଲା। ସେହିଭଳି ପ୍ରଥମ ଦିନ ଖେଳ ଶେଷ ସୁଦ୍ଧା ଇଂଲଣ୍ଡ ୪୨ ଓଭରରେ ୧୨୦ ରନ୍ କରିନେଇଥିଲା। ତେବେ ଭାରତୀୟ ବ୍ୟାଟ୍ସମ୍ୟାନଙ୍କ ନିରାଶାଜନକ ପ୍ରଦର୍ଶନକୁ ନେଇ ତାଙ୍କୁ ସମାଲୋଚନା କରାଯାଉଛି। ଏହି କ୍ରମରେ ନିଜର ଟୁଇଟ୍କୁ ନେଇ ଚର୍ଚ୍ଚାରେ ରହୁଥିବା ମାଇକେଲ ଭାଓନ ମଧ୍ୟ ବ୍ୟାଟ୍ସମ୍ୟାନଙ୍କ ମଜା ଉଡାଇଛନ୍ତି।
ଟିମ୍ ଇଣ୍ଡିଆ ଅଲଆଉଟ୍ ହୋଇବା ପରେ ଭାଓନ ଟୁଇଟ୍ କରି କହିଲେ, ଗୁଡ୍ ଇଭିନିଂ ଇଣ୍ଡିଆ। ଏଥିସହ ସେ ଥମ୍ସ ଅପ୍ର ଦୁଇଟି ଇମୋଜି ମଧ୍ୟ ପୋଷ୍ଟ କରିଥିଲେ। ଭାରତୀୟ ପ୍ରଶଂସକଙ୍କୁ ଏହା ପସନ୍ଦ ଆସି ନ ଥିଲା। ଲୋକମାନେ ଏଥିରେ ଭଳିକି ଭଳି ପ୍ରତିକ୍ରିୟା ଦେଉଛନ୍ତି। କେହି କେହି ତାଙ୍କୁ ପଡୋଶୀ ଘରର ମାଉସୀ କହୁଥିବା ବେଳେ ଅନ୍ୟମାନେ ତାଙ୍କୁ ମ୍ୟାଚ୍ ଏପର୍ଯ୍ୟନ୍ତ ସରିନାହିଁ। ଅପେକ୍ଷା କରନ୍ତୁ ବୋଲି କହୁଛନ୍ତି।
ଉକ୍ତ ମ୍ୟାଚ୍ ବିଷୟରେ କଥା ହେଲେ ଲର୍ଡସରେ ବିଜୟ ପରେ ଭାରତ ଗତ ୩୪ ବର୍ଷରେ ଟେଷ୍ଟ କ୍ରିକେଟର ପ୍ରଥମ ଦିନ କରିଥିବା ନ୍ୟୁନତମ ସ୍କୋର ଅଟେ। ୧୯୮୭ରେ ଭାରତୀୟ ଟିମ୍ ୧୦୦ ରନ୍ରୁ କମ୍ ସ୍କୋର କରି ଆଉଟ୍ ହୋଇଥିଲା।