ୱାଶିଂଟନ,୩୦ ।୧୨: ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ସହଧର୍ମିଣୀ ମିଶେଲ ଓବାମା ବଡ କଥା କହିଛନ୍ତି । ଆମେରିକାର ଏହି ପୂର୍ବତନ ଫାଷ୍ଟ ଲେଡି କହିଛନ୍ତି ଯେତେବେଳେ ତାଙ୍କ ପିଲାମାନେ ଛୋଟ ଥିଲେ ସେତେବେଳେ ସେ ତାଙ୍କ ସ୍ୱାମୀ ଅର୍ଥାତ୍ ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କୁ ଏକ ଦଶକ ପର୍ଯ୍ୟନ୍ତ ବରଦାସ୍ତ କରପାରି ନ ଥିଲେ । ସେ ଏହି ଟିପ୍ପଣି ବ୍ଲାକ ନ୍ୟୁଜ ଷ୍ଟେଶନ ରଭୋଲ୍ଟ ଟେଲିଭିଜନରେ ଏକ ସାକ୍ଷାତକାରରେ କହିଛନ୍ତି ।
ମିଶେଲ ଓବାମା କେଲି ରୋଲ୍ୟାଣ୍ଡ, ଏଚ.ଇ.ଆର, ବିନି ହାର୍ଲି ଓ ବେୟୋଂସେଙ୍କ ମା’ ଟିନା ନୋଲ୍ସଙ୍କ ସହ ନିଜ ବିବାହର ଅସନ୍ତୁଳନକୁ ନେଇ କଥା ହେଉଥିଲେ । ଓବାମା ଦମ୍ପତିଙ୍କର ଦୁଇ ଝିଅ ସାଶା ଓ ମାଲିୟା ଅଛନ୍ତି । ଏମାନେ ଏବେ ୨୦ ବର୍ଷର ହୋଇଗଲେଣି ।
ମିଶେଲ କହିଛନ୍ତି ଲୋକେ ଭାବୁଥିବେ ମୁଁ ଟିକେ କଡା କଥା କହିଦେଲି । ହେଲେ ୧୦ ବର୍ଷ ମୋ ପାଇଁ ଏମିତି ଥିଲା ଯେତେବେଳେ ମୁଁ ମୋ ସ୍ୱାମୀଙ୍କୁ ବରଦାସ୍ତ କରିପାରି ନ ଥିଲି ଆଉ ସେତେବେଳେ ଆମ ପିଲା ଛୋଟ ଥିଲେ । ଗୋଟିଏ ପଟେ ଆମେ ଆମ କ୍ୟାରିୟର ଗଢୁଥିବା ବେଳେ ଅନ୍ୟପଟେ ପିଲାମାନଙ୍କ ସ୍କୁଲ କଥା ଚିନ୍ତା କରିବାକୁ ପଡୁଥିଲା ।
ମିଶେଲ କହିଛନ୍ତି, ଏବେ ଆମ ବିବାହକୁ ୩୦ ବର୍ଷ ହେଲାଣି । ମାଲିୟା ୨୪ ବର୍ଷର ହୋଇଥିବା ବେଳେ ସାଶା ୨୧ ବର୍ଷର ହେଲେଣି । ସେତେବେଳେ ସେମାନେ ୧୦ ଓ ୭ ବର୍ଷର ଥିଲେ । ସେ କହିଛନ୍ତି ଓବାମାଙ୍କ ସହ ତାଙ୍କର ମତଭେଦ ପରେ ବି ସେ ତାଙ୍କୁ ସମ୍ମାନ କରୁଥିଲେ । ସମୟ ସହ ଭାବନାରେ ବି ପରିବର୍ତ୍ତନ ହୋଇଥାଏ ।