ବେଳେ ବେଳେ ଭୁଲ ଅନ୍ୟ ପାଇଁ ଲାଭଦାୟକ ହୋଇଥାଏ। ଆମେରିକାର ମିଚିଗନ ଶହରର ଏମିତି ଏକ ଘଟଣା ସମ୍ମୁଖକୁ ଆସିଛି। ଜଣେ ବ୍ୟକ୍ତିଙ୍କୁ ଲଟେରି କ୍ଲର୍କ ଏକ ଭୁଲ ଲଟେରି ଟିକଟ ଦେଇଦେଲେ। ଏବେ ଏହି ଭୁଲ ଟିକେଟରେ ବ୍ୟକ୍ତି ଜଣଙ୍କ ୯ କୋଟି ଟଙ୍କା ଜିତିଛନ୍ତି।
ସୂଚନାଯୋଗ୍ୟ, ବ୍ୟକ୍ତି ଜଣଙ୍କ ନିଜ ନାମ ଗୋପନ ରଖି କହିଛନ୍ତି, ସେ ନିଜ ବାଇକ୍ରେ ପମ୍ପ୍ ଦେବାକୁ ଯାଇଥିଲେ। ଏହି ସମୟରେ ତାଙ୍କ ପାଖରେ ଖୁଚୁରା ଟଙ୍କା ନ ଥିବାରୁ ସେ ଷ୍ଟେଶନ କ୍ଲର୍କଙ୍କ ନିକଟକୁ ଯାଇଥିଲେ। ତାଙ୍କଠାରୁ ୧୦ ଡଲାର ବିଶିଷ୍ଟ ୭ଟି ଲଟରି ଟିକେଟ କିଣିଥିଲେ। ଭୁଲରେ ଷ୍ଟେଶନ କ୍ଲର୍କ ୧୦ ପରିବର୍ତ୍ତେ ୨୦ ଡଲାରର ଟିକେଟ ଦେଇଥିଲେ। ପରେ ଷ୍ଟେଶନ କ୍ଲର୍କ ଟିକେଟ ବଦଳାଇବାକୁ କହିଥିଲେ ମଧ୍ୟ ବ୍ୟକ୍ତି ଜଣଙ୍କ ଏଥିପାଇଁ ମନା କରିଦେଇଥିଲେ। ଏହି ୫୭ ବର୍ଷୀୟ ବ୍ୟକ୍ତି ଲଟେରି ଟଙ୍କାରେ ଏକ ନୂଆ ଘର କିଣିବାକୁ ଚାହୁଁଥିବା କହିଛନ୍ତି। ତାଙ୍କୁ ଲଟେରି ବାବଦ ୧.୩ ମିଲିୟନ ଡଲାର ମିଳିବ। ଯାହାକି ଭାରତୀୟ ଟଙ୍କା ହିସାବରେ ୯ କୋଟି ହେବ।