ଜେରୁଜେଲମ,୧୮।୧୦: ହମାସ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧ ଧୀରେ ଧୀରେ ଏକ ମାନବ ଦୁଃଖଦ ଘଟଣାରେ ପରିଣତ ହେଉଛି। ଉଭୟ ପାର୍ଶ୍ୱରୁ ହଜାର ହଜାର ଲୋକଙ୍କର ମୃତ୍ୟୁ ହୋଇଛି। ଆମେରିକୀୟମାନେ ମଧ୍ୟ ଏହି ଯୁଦ୍ଧର ଶିକାର ହେଉଛନ୍ତି। ହ୍ବାଇଟ ହାଉସର ମୁଖପାତ୍ର ଜନ କିର୍ବି ମଙ୍ଗଳବାର କହିଛନ୍ତି , ଇସ୍ରାଏଲ ଉପରେ ହମାସ ରଆକ୍ରମଣରେ ନିହତ ହୋଇଥିବା ଆମେରିକୀୟଙ୍କ ସଂଖ୍ୟା ବର୍ତ୍ତମାନ ୩୧ ରେ ପହଞ୍ଚିଛି। ର୍କିବି କହିଛନ୍ତି ଯେ, ନିରୀହ ସାଧାରଣ ନାଗରିକଙ୍କ ଜୀବନ ରକ୍ଷା କରିବାର ଆବଶ୍ୟକତା ସମ୍ପର୍କରେ ଆମେରିକା ଇସ୍ରାଏଲ ସହ କଥାବାର୍ତ୍ତା ଜାରି ରଖିବ। ରାଷ୍ଟ୍ରପତି ଜୋ ବାଇଡେନ ହମାସ ଆକ୍ରମଣ ପରେ ସମର୍ଥନ ଜଣାଇବାକୁ ଇସ୍ରାଏଲ ଯାଇଛନ୍ତି।
ଏଥି ସହିତ, ଲେବାନାନ ଯାତ୍ରା ବିଷୟରେ ଆମେରିକା ଏକ ଚେତାବନୀ ଦେଇଛି ଯେ, ଆମେରିକୀୟ ନାଗରିକମାନେ ଲେବାନାନକୁ ଯାତ୍ରା କରିବା ଉଚିତ୍ ନୁହେଁ। ଆମେରିକାର ବୈଦେଶିକ ବିଭାଗ ଇସ୍ରାଏଲ ଏବଂ ହିଜବୁଲ ମଧ୍ୟରେ ଚାଲିଥିବା ଯୁଦ୍ଧ ପରିସ୍ଥିତିକୁ ଦର୍ଶାଇ ଲେବାନାନ ନ ଯିବାକୁ ଚେତାବନୀ ଦେଇଛି।