ଇସଲାମାବାଦ,୧୨।୯: ପାକିସ୍ତାନରେ ରହୁଥିବା ଆଫଗାନିସ୍ତାନ ଶରଣାର୍ଥୀଙ୍କ ଅବସ୍ଥା ଖରାପ ହେବାରେ ଲାଗିଛି। ଏକ ରିପୋର୍ଟ ଦାବି କରିଛି ଯେ, ପାକିସ୍ତାନ ପୋଲିସ ଆଫଗାନିସ୍ତାନ ଶରଣାର୍ଥୀଙ୍କୁ ଦୁର୍ବ୍ୟବହାର କରୁଛି।
ପାକିସ୍ତାନର ଆଫଗାନିସ୍ତାନ ଶରଣାର୍ଥୀ ପରିଷଦ ଅଧିକାରୀ ଦାବି କରିଛନ୍ତି ଯେ, ପାକିସ୍ତାନୀ ପୋଲିସ କରାଚିରେ ୧୦୦ ଶରଣାର୍ଥୀଙ୍କୁ ଅବୌଧରେ ଗିରଫ କରିଛି। ଆଫଗାନିସ୍ତାନ ସ୍ଥିତ ଟୋଲୋ ନ୍ୟୁଜ ଅନୁଯାୟୀ, କାବୁଲ ଏବଂ ଇସଲାମାବାଦ ମଧ୍ୟରେ ତିକ୍ତତା ବୃଦ୍ଧି ପାଇଛି।
ପାକିସ୍ତାନର ତାଲିବାନ ନେତୃତ୍ୱାଧୀନ ଆଫଗାନିସ୍ତାନ ଶରଣାର୍ଥୀ ପରିଷଦର ମୁଖ୍ୟ ମୀର ଅହମ୍ମଦ ରୌଫ କହିଛନ୍ତି ଯେ, ଆଫଗାନିସ୍ତାନ ଶରଣାର୍ଥୀଙ୍କ ଉପରେ ପୋଲିସ ଜରିମାନା ଲଗାଇଛି। ବେଆଇନ ସ୍ଥାନାନ୍ତରଣ ବାହାନାରେ ସେମାନେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏହା ଏକ ବଡ ଚିନ୍ତାର ବିଷୟ। ଆଫଗାନିସ୍ତାନ ଶରଣାର୍ଥୀ ଫୌଜୁଲ୍ଲାହ ତୁର୍କ ଦାବି କରିଛନ୍ତି ଯେ, କରାଚି ପୋଲିସ ସୋମବାର ୧୦୦ରୁ ଅଧିକ ଶରଣାର୍ଥୀଙ୍କୁ ଅଟକ ରଖିଛି।