milk mantra
ଭୁବନେଶ୍ୱର, ୧୫।୯ : ଚଳିତ ବର୍ଷ ବନ୍ୟାରେ ପ୍ରଭାବିତ ହୋଇଥିବା ପୁରୀ ଜିଲା କଣାସ ବ୍ଲକର ଶତାଧିକ ଦୁଗ୍ଧଚାଷୀଙ୍କୁ ଷ୍ଟାର୍ଟଅପ କମ୍ପାନୀ ମିଲ୍କ ମନ୍ତ୍ର ପକ୍ଷରୁ ସହାୟତା ପ୍ରଦାନ କରାଯାଇଛି। ଗତ ୧୦ ତାରିଖରେ ସ୍ଥାନୀୟ ଗଡମାଠିଆ ପଡା ଗ୍ରାମର ପ୍ରାୟ ୬୦୦ ଗାଈ ବାଛୁରୀଙ୍କର ସ୍ବାସ୍ଥ୍ୟ ପରୀକ୍ଷା କରାଯିବା ସହ ଆବଶ୍ୟକ ଚିକିସତ୍ା କରାଯାଇଥିଲା। ସେହିଭଳି ୨୮୪ ଜଣ ଦୁଗ୍ଧଚାଷୀଙ୍କୁ ଗୋଖାଦ୍ୟ କମ୍ପାନୀ ପକ୍ଷରୁ ପ୍ରଦାନ କରାଯାଇଥିଲା। କମ୍ପାନୀର ଦୁଗ୍ଧ ସଂଗ୍ରହ ଯୋଜନାରେ ଅନ୍ତର୍ଭକ୍ତ ଦୁଗ୍ଧଚାଷୀଙ୍କ ସାଙ୍ଗରେ ମିଲ୍କ ମନ୍ତ୍ରା ସବୁ ବେଳେ ଛିଡାହୋଇ ରହିଥିବା କହିଛି। ଖରାପ ପରିସ୍ଥିତିରେ ଚାଷୀଙ୍କୁ ଆବଶ୍ୟକ ସହାୟତା ମଧ୍ୟ କମ୍ପାନୀ ପକ୍ଷରୁ ଯୋଗାଇ ଦିଆଯାଉଛି। କମ୍ପାନୀର ପ୍ରାୟ ୬୦ ହଜାର ଦୁଗ୍ଧଚାଷୀ ରହିଥିବା ସୂଚନା ମିଳିଛି। ଏ ସମ୍ପର୍କରେ କମ୍ପାନୀର ମୁଖ୍ୟ ପରିଚାଳନା ଅଧିକାରୀ ବିଭୁପ୍ରସାଦ ନନ୍ଦ ସୂଚନା ଦେଇ କହିଛନ୍ତି ଯେ, ପ୍ରାକୃତିକ ବିପର୍ଯ୍ୟୟ ସମସ୍ତଙ୍କ ପାଇଁ ସମସ୍ୟା ସୃଷ୍ଟି କରିଛି। କମ୍ପାନୀ ଏହାକୁ ଧ୍ୟାନରେ ରଖି ଚାଷୀଙ୍କ ସହ ଛିଡାହୋଇ ରହିଛି। ଚାଷୀର ଉନ୍ନତି ପାଇଁ ଆବଶ୍ୟକ ସହଯୋଗ କମ୍ପାନୀ ପକ୍ଷରୁ ବିଭିନ୍ନ ସମୟରେ କରାଯାଇଛି। ଗୋପାଳନ ପ୍ରଚାର ପ୍ରସାର ପାଇଁ କମ୍ପାନୀ ସବୁବେଳେ କାର୍ଯ୍ୟ କରିଆସୁଛି। ଚାଷୀର ବିକାଶ ହେଲେ କମ୍ପାନୀର ବିକାଶ ହୋଇପାରିବ ବୋଲି ସେ ମତ ଦେଇଛନ୍ତି। ବିଭିନ୍ନ ସମୟ ଓ ଅସମୟରେ କମ୍ପାନୀ ଆମ ସହ ରହିଛି । ଆମର ଭଲ ମନ୍ଦ ସହ ଅସୁବିଧା ସମୟରେ ସହାୟତାର ହାତ ବଢାଇଛି ବୋଲି ଦୁଗ୍ଧଚାଷୀ ମଳୟ କୁମାର ବିହାରୀ କହିଛନ୍ତି ।