କୋଲକାତା,୧୬।୧୧: କୋଲକାତାର ଇଡେନ୍ ଗାର୍ଡେନ୍ସରେ ଗୁରୁବାର ଖେଳାଯାଉଥିବା ୨୦୨୩ ଦିନିକିଆ ବିଶ୍ୱକପର ଦ୍ୱିତୀୟ ସେମିଫାଇନାଲ ମ୍ୟାଚ୍ରେ ଦକ୍ଷିଣ ଆଫ୍ରିକା ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଡେଭିଡ ମିଲରଙ୍କ ଦମ୍ଦାର ଶତକୀୟ ଇନିଂସ୍ ସତ୍ତ୍ୱେ ଦକ୍ଷିଣ ଆଫ୍ରିକା ନିର୍ଦ୍ଧାରିତ ୪୯.୪ ଓଭରରେ ସମସ୍ତ ଉଉକେଟ ହରାଇ ୨୧୨ ରନ୍ ସଂଗ୍ରହ କରିଥିଲା। ଫଳରେ ଅଷ୍ଟ୍ରେଲିଆ ଆଗରେ ୨୧୩ ରନ୍ର ବିଜୟ ଟାର୍ଗେଟ୍ ରଖିଛି ଦକ୍ଷିଣ ଆଫ୍ରିକା
ଦକ୍ଷିଣ ଆଫ୍ରିକାର ଦୁଇ ଓପନର କ୍ୱିଣ୍ଟନ ଡିକକ୍ ଏବଂ ତେମ୍ବା ବାଭୁମା ପଡ଼ିଆକୁ ଓହ୍ଲାଇଥିଲେ। ମିଚେଲ ଷ୍ଟ୍ରାକଙ୍କ ପ୍ରଥମ ଓଭରରେ ଅଧିନାୟକ ତେମ୍ବା ବାଭୁମା ଖାତା ଖୋଲିବା ଆଗରୁ ଆଉଟ୍ ହୋଇଯାଇଥିଲେ। ସେହିପରି କ୍ୱିଣ୍ଟନ ଡିକକ୍ ମଧ୍ୟ ୩ ରନ୍ କରି ଆଉଟ୍ ହୋଇଥିଲେ। ରସିଭାନ୍ ଡେର୍ ଡୁସେନ ମଧ୍ୟ ୬ ରନ୍ କରି କରିଥିବା ବେଳେ ଆଡେନ୍ ମାର୍କ୍ରାମ ମଧ୍ୟ ୧୦ ରନ୍ କରି ବିଫଳ ହୋଇଥିଲେ। ଫଳରେ ଦକ୍ଷିଣ ଆଫ୍ରିକା ୨୪ ରନ୍ରେ ୪ ଉଇକେଟ୍ ହରାଇ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା।
ହେନିରିକ କ୍ଲାସେନ ଏବଂ ଡେଭିଡ୍ ମିଲର ଧୈର୍ଯ୍ୟର ସହ ବ୍ୟାଟିଂ କରି ଦଳକୁ ଆଗକୁ ନେଇଥିଲେ। କ୍ଲାସେନ୍ ୪୮ ବଲ୍ରେ ୪ ଚଉକା ଏବଂ ୨ ଛକା ସହାୟତାରେ ୪୭ ରନ୍ର ଗୁରୁତ୍ୱପୂର୍ଣ୍ଣ ଇନିଂସ୍ ଖେଳିଥିଲେ। ସେହିପରି ଡେଭିଡ୍ ମିଲର ୧୧୬ ବଲ୍ରେ ୮ ଚଉକା ଏବଂ ୫ ଛକା ସହାୟତାରେ ୧୦୧ ରନ୍ର ଦମ୍ଦାର ଶତକୀୟ ଇନିଂସ୍ ଖେଳିଥିଲେ। ଫଳରେ ଦକ୍ଷିଣ ଆଫ୍ରିକାର ୨୧୨ ରନ୍ କରିବାରେ ସକ୍ଷମ ହୋଇଥିଲେ।
ଅଷ୍ଟ୍ରେଲିଆ ପକ୍ଷରୁ ମିଚେଲ ଷ୍ଟାର୍କ୍ସ ଏବଂ ଅଧିନାୟକ ପ୍ୟାଟ୍ କମିନ୍ସଙ୍କୁ ୩ଟି ଲେଖାଏଁ ଉଇକେଟ୍ ମିଳିଥିବା ବେଳ ହଜଲେଉଡ୍, ଟ୍ରାଭିସ ହେଡ୍ ୨ଟି ଲେଖାଏଁ ଉଇକେଟ୍ ନେବାରେ ସକ୍ଷମ ହୋଇଥିଲେ। ଦ୍ୱିତୀୟ ସେମିଫାଇନାଲରେ ଯେଉଁ ଦଳ ବିଜୟ ହାସଲ କରିବ ଆସନ୍ତା ୧୯ ତାରିଖରେ ଅହମ୍ମଦାବାଦରେ ଭାରତ ସହ ଫାଇନାଲ ଖେଳିବ।