ବେଜିଂ,୨୨ା୨: ବୁଧବାର ଚାଇନାର ଉତ୍ତର ଆଭ୍ୟନ୍ତରୀଣ ମଙ୍ଗୋଲିଆ ଅଞ୍ଚଳରେ ଏକ ଖଣି ଭୁଶୁଡ଼ି ପଡ଼ିଛି। ଫଳରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଲୋକ ନିଖୋଜ ଥିବା କୁହାଯାଉଛି।
ଆଜି ଅପରାହ୍ନରେ ଆଲକ୍ସା ଲିଗ୍ର ଏକ ଖଣି ଭୁଶୁଡ଼ି ପଡ଼ିବାରୁ ଅଳିଆ ଗଦାରୁ ଉଦ୍ଧାରକାରୀ ଦଳ ୩ ଜଣଙ୍କୁ ଉଦ୍ଧାର କରିଥିଲେ। ସେମାନଙ୍କ ମଧ୍ୟରୁ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଚିକିତ୍ସାଧୀନ ଅଛନ୍ତି। ଅନେକ ନିଖୋଜ ଅଛନ୍ତି। ଏଥିସହ କେତେକ ଯାନବାହନ ମଧ୍ୟ ପୋତି ହୋଇପଡ଼ିଥିବା ଜଣାପଡ଼ିଛି।