ଛତ୍ରପୁରର ୧୧ ଗାଁରେ ମିନି କଣ୍ଟେନମେଣ୍ଟ: ଜାଣନ୍ତୁ କେଉଁଗୁଡ଼ିକ

ଛତ୍ରପୁର, ୨୨।୮(ଡି.ଏନ୍‌.ଏ.): ଗଞ୍ଜାମ ଜିଲା ଛତ୍ରପୁର ବ୍ଲକର ୧୧ ଗାଁରେ ଗୋଟିଏ ଲେଖାଏ ସାହି ମିନି କଣ୍ଟେନମେଣ୍ଟ ଜୋନରେ ରହିଛି। ଏଠାରେ କରୋନା ପଜିଟିଭ୍‌ ସଂଖ୍ୟା ବୃଦ୍ଧି ପାଉଥିବା ଏବଂ ପଜିଟିଭ ଆକ୍ଟିଭ ଥିବାରୁ ମିନି କଣ୍ଟେନମେଣ୍ଟ ଜୋନ ଘୋଷଣା ହୋଇଛି। ସେଥିମଧ୍ୟରେ କାଳିପଲି, ମହାନଦପୁର, ଆର୍ଯ୍ୟପଲି, ବଉଳଗାଁ ପଞ୍ଚାୟତ ଅଧୀନ ନନ୍ଦପଣ୍ଡାପଲି, ପୋଡପଦର ପଞ୍ଚାୟତ ଅଧୀନ ହୁମ୍ମର ଓ ପୋଡପଦର, ବିପୁଳିଙ୍ଗି ପଞ୍ଚାୟତ ଅଧୀନ ଗେଦଲପଲି ରହିଛି। ସେହିପରି କଣମଣା ପଞ୍ଚାୟତ ଅଧୀନ ବାଟ ଛତ୍ରପୁର, ମାଟିଖାଲ, କଣମଣା ଓ ଟାକିରିଆ ବ୍ରହ୍ମପୁର ଗାଁ ରହିଛି।