ନୂଆଦିଲ୍ଲୀ,୨୩।୧୧: ଦେଶର ପ୍ରମୁଖ ମେଶିନାରି ଉତ୍ପାଦକ କମ୍ପାନୀ ‘ଟାଟା ହିଟାଜି’ ନିକଟରେ ଆଇଏମ୍ଏମ୍ଇ-୨୦୨୨ ରେ ଅଂଶଗ୍ରହଣ କରି ତା’ର ଶକ୍ତିଶାଳୀ ମାଇନିଂ ମେଶିନଗୁଡ଼ିକୁ ପ୍ରଦର୍ଶିତ କରିଥିଲା। ଏପରିକି ହିଟାଚିର ଶକ୍ତିଶାଳୀ ମାଇନିଂ ଏକ୍ସାଭେଟର ମଡେଲ ଜେଡ୍ଏକ୍ସ ୮୭୦ଏଚ୍-୫ଜି ଓ ନୂଆକରି ଶୁଭାରମ୍ଭ ହୋଇଥିବା ଟାଟା ହିଟାଚିର ହ୍ବିଲ୍ ଲୋଡର, ଜେଡ୍ଡବ୍ଲ୍ୟୁ୨୨୫-୬କୁ ପ୍ରଦର୍ଶନ କରିଛି। ଏହାଛଡା କମ୍ପାନୀ ଡ୍ରମ୍ କଟର ମଡେଲ କେଡିସି୪୫, କ୍ୱିକ୍ କପ୍ଲର ମଡେଲ ରେଞ୍ଜ୍୧୧ ଭଳି ଆଟାଚ୍ମେଣ୍ଟ୍ ଓ ପାର୍ଟଗୁଡିକର ମଧ୍ୟ ପ୍ରଦର୍ଶନ କରିଛି, ଯାହାକୁ ମାଇନିଂ ମେଶିନାରିରେ ବ୍ୟବହାର କରାଯାଉଛି।
ଏ ସମ୍ପର୍କରେ ଟାଟା ହିଟାଚିର ପରିଚାଳନା ନିର୍ଦ୍ଦେଶକ ସନ୍ଦୀପ ସିଂହ କହିଛନ୍ତି, ‘ଆଇଏମ୍ଏମ୍ଇରେ ଆମେ ଆମର ହାଇଡ୍ରାଉଲିକ୍ ଏକ୍ସାଭେଟର ଜେଡ୍ଏକ୍ସ ୮୭୦ଏଚ୍ ଓ ହ୍ବିଲ୍ ଲୋଡର୍ ଜେଡ୍ଡବ୍ଲ୍ୟୁ ୨୨୫କୁ ପ୍ରଦର୍ଶିତ କରି ଖଣି କ୍ଷେତ୍ରରେ ଆମର ଅତୁଳନୀୟ ଶକ୍ତିକୁ ପ୍ରଦର୍ଶନ କରିଛୁ। ଏହା ସହିତ ଆମେ ମାଇନିଂ ଆଟାଚ୍ମେଣ୍ଟ୍ ଓ ପାର୍ଟଗୁଡିକୁ ମଧ୍ୟ ପ୍ରଦର୍ଶନ କରିଛୁ। ଆଇଏମ୍ଏମ୍ଇ ୨୦୨୨ ଆମକୁ ସମସ୍ତ ଶିଳ୍ପ ହିତାଧିକାରୀଙ୍କ ସହ ନିୟୋଜିତ ଏବଂ ଖଣି କ୍ଷେତ୍ରରେ ଆମର ବିଶେଷଜ୍ଞତାକୁ ପ୍ରଦର୍ଶିତ କରିବା ପାଇଁ ଏକ ପ୍ଲାଟ୍ଫର୍ମ ପ୍ରଦାନ କରିଛି।