ଭୋପାଳ,୯।୭: ମଧ୍ୟପ୍ରଦେଶ ରେ ମୁଖ୍ୟମନ୍ତ୍ରୀ ମୋହନ ଯାଦବଙ୍କ ନେତୃତ୍ୱରେ କ୍ୟାବିନେଟକୁ ପ୍ରାୟ ସାତ ମାସ ପରେ (ସିଏମ ପଦ ଗ୍ରହଣ କରିବା ପରେ) ସମ୍ପ୍ରସାରିତ କରାଯାଇଛି। ମଧ୍ୟପ୍ରଦେଶ ରାଜ୍ୟପାଳ ମଙ୍ଗୁଭାଇ ପଟେଲ ପୁଣିଥରେ ମୁଖ୍ୟମନ୍ତ୍ରୀ ମୋହନ ଯାଦବ ଏବଂ ଅନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ଉପସ୍ଥିତିରେ ଦରବାର ହଲରେ ରାମନିବାସ ରାୱତଙ୍କୁ ଶପଥ ପାଠ କରାଇଥିଲେ।
କ୍ୟାବିନେଟ ବିସ୍ତାରର ଏକ ଅଂଶ ଭାବରେ କଂଗ୍ରେସରୁ ଭାଜପାକୁ ଆସିଥିବା ନେତା ରାମନିୱାସ ରାୱତ କ୍ୟାବିନେଟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଭୁଲ ହେତୁ ରାମନିବାସ ରାୱତଙ୍କୁ ଦୁଇଥର ଶପଥ ଗ୍ରହଣ କରିବାକୁ ପଡିଥିଲା। ଅଧିକାରୀଙ୍କ କହିବାନୁସାରେ, ପ୍ରଥମ ଥର ପାଇଁ ଶପଥ ଗ୍ରହଣ କରୁଥିବାବେଳେ ରାମନିବାସ ରାୱତ ଭୁଲରେ ‘କ୍ୟାବିନେଟ୍ ମନ୍ତ୍ରୀ’ ପରିବର୍ତ୍ତେ ‘ରାଜ୍ୟ ମନ୍ତ୍ରୀ’ ବୋଲି କହିଥିଲେ। ଶବ୍ଦର ଭୁଲ ହେତୁ କିଛି ସମୟ ଧରି ଗଣମାଧ୍ୟମ ଲୋକଙ୍କ ମଧ୍ୟରେ ଦ୍ୱନ୍ଦ୍ୱ ଦେଖାଦେଇଥିଲା ଅଧିକାରୀମାନେ ଏହି ତ୍ରୁଟି ବିଷୟରେ ଜାଣିବାକୁ ପାଇବା କ୍ଷଣି ରାମନିବାସ ରାୱତ ପୁଣିଥରେ ଶପଥ ନେବେ ବୋଲିତ ନିଷ୍ପତ୍ତି ହୋଇଥିଲା।
