ଜୁନାଗଡ଼/କୋକସରା, ୫।୧: କଟକ ଜିଲା ମାହାଙ୍ଗା ବ୍ଲକ ପୂର୍ବତନ ଅଧ୍ୟକ୍ଷ ତଥା ଭାଜପା ନେତା କୁଳମଣି ବରାଳ ଏବଂ ସହଯୋଗୀ ଦିବ୍ୟସିଂ ବରାଳଙ୍କୁ ହତ୍ୟା ଘଟଣା ନେଇ ମଙ୍ଗଳବାର ଜୁନାଗଡ଼ ଭାଜପା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ଏହି ଘଟଣାରେ ଆଇନ ମନ୍ତ୍ରୀ ତଥା ମାହାଙ୍ଗା ବିଧାୟକ ପ୍ରତାପ ଜେନାଙ୍କ ସମ୍ପୃକ୍ତି ଥିବା ନେଇ ମନ୍ତ୍ରୀମଣ୍ଡଳରୁ ବହିସ୍କାର ଓ ଗିରଫ ଦାବି ନେଇ ଭାଜପା ପକ୍ଷରୁ ଜୁନାଗଡ଼ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ପରେ ମନ୍ତ୍ରୀଙ୍କ କୁଶପୁତ୍ତଳିକା ଦାହ କରାଯାଇଥିଲା। ବିକ୍ଷୋଭରେ ପୂର୍ବତନ ମନ୍ତ୍ରୀ ହିମାଂଶୁ ଶେଖର ମେହେର, ଭାଜପା ରାଜ୍ୟ ମହିଳା ସମ୍ପାଦିକା ଶର୍ମିଷ୍ଠା ମେହେର, ଜିଲା ଯୁବମୋର୍ଚ୍ଚା ସାଧାରଣ ସମ୍ପାଦକ ମୁକେଶ ଅଗ୍ରୱାଲ, ଜିଲା ସମ୍ପାଦକ ଅଜୟ ପାଣିଗ୍ରାହୀ, ଜୁନାଗଡ଼ ବ୍ଲକ ଉପାଧ୍ୟକ୍ଷ ଟଙ୍କଧର ନାଏକ, ଜିଲା ପରିଷଦ ସଭ୍ୟା କାଞ୍ଚନ ବାଗ, ଲକ୍ଷ୍ମୀ ନାରାୟଣ ବାଣୁଆ, ସତ୍ୟରଞ୍ଜନ ବେହେରା, ଅନୀଲ ପଣ୍ଡା, ସତ୍ୟନାରାୟଣ ପଣ୍ଡା, କାଳେନ୍ଦୀ ପାଣିଗ୍ରାହୀ, ଦିବ୍ୟ ଦୀପ ପ୍ରମୁଖ ସାମିଲ ହୋଇଥିଲେ । ସେହିପରି କୋକସରା ବ୍ଲକ ଭାଜପା ପକ୍ଷରୁ ଯୁବ ନେତା ଲଷ୍ମୀକାନ୍ତ ବାଗଙ୍କ ନେତୃତ୍ୱରେ ଶତାଧିକ କର୍ମକର୍ତ୍ତା କୋକସରା ଥାନା ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଏଥିରେ କୋକସରା ବ୍ଲକ ଆମପାଣି ଜୋନ ଜିଲା ପରିଷଦ ସଭ୍ୟା ହେମାଙ୍ଗିନି ହଂସ, ଜିଲା ଭାଜପା ସଭାନେତ୍ରୀ କୁନ୍ତୀ ପାଳ, ଗଣେଶ ନନ୍ଦ, ତ୍ରିନାଥ ଶବର, ସନ୍ତୋଷ ମାଝି, ନରେନ୍ଦ୍ର ପ୍ରଧାନି, ଦୁର୍ଗା ପ୍ରସାଦ ପ୍ରଧାନୀ, ପ୍ରମୋଦ ପଣ୍ଡା ପ୍ରମୁଖ ଶତାଧିକ ଭାଜପା କର୍ମୀ ସାମିଲ ଥିଲେ। ଥାନା ଅଧିକାରୀ ବାସୁଦେବ ଛାତ୍ରୀଆଙ୍କ ସହ ପୋଲିସ କର୍ମଚାରୀ ଉପସ୍ଥିତ ଥିଲେ ।