କୋରାପୁଟ,୧୫।୭(ଅମିତାଭ ବେହେରା )କୋରାପୁଟ ଜିଲା ସଦର ମହକୁମାଠାରେ କଡା ସୁରକ୍ଷା ମଧ୍ୟରେ ୭୭ ତମ ସାଧୀନତା ଦିବସ ମହା ସମାରୋହରେ ପାଳିତ ହୋଇଯାଇଛି ।
କୃଷି ଓ କୃଷକ ସଶକ୍ତି କରଣ, ମତ୍ସ ଓ ପ୍ରାଣୀ ସମ୍ପଦ ବିକାଶ ବିଭାଗ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ମୁଖ୍ୟ ଅତିଥିଭାବେ ଯୋଗଦେଇ ଜାତୀୟ ପତ୍ତାକା ଉତ୍ତୋଳନ କରିବା ସହ ସମ୍ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ । ସ୍ବାଧୀନତା ଦିବସରେ ସମସ୍ତ ନାଗରିକ ସମାଜ ଓ ଦେଶପାଇଁ କିଛି ନା କିଛି କରିବାକୁ ଆହ୍ବାନ ଦେଇଥିଲେ । ମୂଖ୍ୟମନ୍ତ୍ରୀ ନବୀନ ପଟନାୟକଙ୍କ ଦୃଢ ନେତୃତ୍ୟ ଓ ଜନହିତକର କାର୍ଯ୍ୟ ଯୋଗୁଁ କୋରାପୁଟ ଜଲା ମାଣ୍ଡିଆ ଉତ୍ପାଦନରେ ସ୍ବତନ୍ତ୍ର ସ୍ଥାନ ଦଖଲ କରିଛି। ଶିଳ୍ପ, ଶିକ୍ଷା, ସ୍ବାସ୍ଥ୍ୟ , କୃଷି , ମତ୍ସ ଓ ପ୍ରାଣି ସମ୍ପଦ ବିକାଶ,ଗମନା ଗମନ, ମହିଳା ସଶକ୍ତି କରଣ, ଗରିବ ଜନ ଜନଜାତିଙ୍କ ଉନ୍ନତି , ସମେତ ରାଜ୍ୟ ସରକାର ଅନୁନତ ଅଞ୍ଚଳର ସର୍ବାଙ୍ଗୀନ ବିକାଶ ପାଇଁ ଉଦ୍ୟମ ଜାରି ରଖିଛନ୍ତି ତଥାପି ଅନେକ ସମସ୍ୟାର ସମାଧାନ କରିବାକୁ ବାକି ରହିଛି ବୋଲି କହିଥିଲେ । ପୋଲିସ ପ୍ୟାରେଡ ପଡିଆଠାରେ ଅନୁଷ୍ଠିତ ଜିଲ୍ଲା ସ୍ତରୀୟ ପ୍ୟାରେଡରେ ପୋଲିସ ବିଭାଗ ସମେତ ବିଭିନ୍ନ ସ୍କୁଲ ପିଲାଙ୍କ ଦ୍ବାରା ପ୍ୟାରେଡ ପ୍ରଦର୍ଶନ ସହ ଆକର୍ଷଣୀୟ ଶାରୀରିକ କ୍ରୀଡା ଓ କୌତୁକ ପୋଷାକ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଜିଲାର ବିଭିନ୍ନ ବିଭାଗ ଦ୍ବାରା ଆକର୍ଷଣୀୟ ପ୍ରଜ୍ଞାପନ ମେଢ ପ୍ରଦର୍ଶନ କରାଯାଇଥିଲା ।