କାମାକ୍ଷାନଗର,୧୦ା୨(ଡି.ଏନ.ଏ) ଢେଙ୍କାନାଳ ଜିଲା କାମାକ୍ଷାନଗର ଅଞ୍ଚଳରେ ଦଳୀୟ ପ୍ରାର୍ଥୀଙ୍କୁ ଜିତାଇବା ଲାଗି ପ୍ରଚାର ମଙ୍ଗ ଧରିଛନ୍ତି ମନ୍ତ୍ରୀ ତଥା ସ୍ଥାନୀୟ ବିଧାୟକ ପ୍ରଫୁଲ୍ଲ ମଲ୍ଲିକ। ବୁଧବାର ଦଳର ନେତୃମଣ୍ଡଳୀଙ୍କ ସହ ବିଭିନ୍ନ ପଞ୍ଚାୟତ ବୁଲି ମାରାଥନ୍ ପ୍ରଚାର କରି ୧ନଂ. ଜୋନ୍ର ବିଜେଡି ପ୍ରାର୍ଥତ୍ନୀ ଦୀପ୍ତିମୟୀ ବିଶ୍ୱାଳ ଏବଂ ଦଳୀୟ ସମର୍ଥତ୍ତ ସରପଞ୍ଚ, ସମିତିସଭ୍ୟଙ୍କ ଲାଗି ଭୋଟ ଭିକ୍ଷା କରିଛନ୍ତି।
ସକାଳେ ମନ୍ତ୍ରୀ ବାଲିଗୋରଡ଼ା, କାନପୁରା, ମହୁଲପାଳ ଏବଂ ଅପରାହ୍ନରେ କାଦୁଆ ପଞ୍ଚାୟତର ବିଭିନ୍ନ ଗ୍ରାମର ଘର ଘର ବୁଲିଥିଲେ। ନବୀନ ପଟ୍ଟନାୟକଙ୍କ ସ୍ବଚ୍ଛ ଭାବମୂର୍ତ୍ତି ଏବଂ ବିକାଶମୂଳକ କାର୍ଯ୍ୟ ସମ୍ପର୍କରେ ଭୋଟରଙ୍କୁ କହିବା ସହିତ ଦଳୀୟ ପ୍ରାର୍ଥୀଙ୍କୁ ଜୟଯୁକ୍ତ କରାଇବାକୁ ନିବେଦନ କରିଥିଲେ। ଜିଲା ପର୍ଯ୍ୟବେକ୍ଷକ ବିଜୟ କୁମାର ନାୟକ, ଜିଲା ଯୁବ ବିଜେଡି ସଭାପତି ଧର୍ମାନନ୍ଦ ପରିଡ଼ା, ବିଜେଡି ନେତା ମଙ୍ଗତୁଲାଲ୍ କାଟାରୁକା, ବିଶ୍ୱରଞ୍ଜନ ସାହୁ, ଶୁଭାଶିଷ ପଣ୍ଡା, ବିନୟ ପରିଡ଼ାଙ୍କ ସମେତ ବହୁ ପ୍ରମୁଖ ବିଜେଡି କର୍ମୀ ଉପସ୍ଥିତ ଥିଲେ।
