ସମ୍ବଲପୁର,୨୩ା୫(ବ୍ୟୁରୋ): ରାଜ୍ୟ ସରକାରଙ୍କ ବିଭିନ୍ନ ବିଭାଗର ମନ୍ତ୍ରୀ ଓ ନେତାମାନଙ୍କ ନାମରେ ଅନେକ ଅଭିଯୋଗ ହୋଇଆସୁଛି। ଆପରାଧିକ ମାମଲାରେ ପରୋକ୍ଷ ଓ ପ୍ରତ୍ୟକ୍ଷ ସମ୍ପୃକ୍ତ ଥିବା ନେଇ ମଧ୍ୟ ଅଭିଯୋଗ ହୋଇଛି। ଏପରି କି ନେତା ଓ ମନ୍ତ୍ରୀଙ୍କ ନାମରେ ନିଜ ବୋହୂମାନେ ନିର୍ଯାତନା ଦେଇଥିବା ନେଇ ମାମଲା ରୁଜୁ ହୋଇଛି। ପରିବାର ସଦସ୍ୟଙ୍କ ଏଭଳି କାର୍ଯ୍ୟ ପାଇଁ ମନ୍ତ୍ରୀ ପଦ ଯାଇଥିବା ରାଜ୍ୟ ରାଜନୀତି ଇତିହାସରେ ରହିଛି। ଏବେ ରାଜ୍ୟର ଜଣେ ମହିଳା ମନ୍ତ୍ରୀଙ୍କ ପୁଅଙ୍କ କଳା କାରନାମା ସାମ୍ନାକୁ ଆସିଛି। ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ ହେବାରେ ଲାଗିଛି। ଉକ୍ତ ଭିଡିଓଟି ପ୍ରାୟ ୩ ମିନିଟ୍ର ରହିଛି। ଭିଡିଓରେ ଜଣେ ଅଣଓଡ଼ିଆ ଯୁବତୀଙ୍କ ସହ ଶାରୀରିକ ସମ୍ପର୍କ ରଖୁଥିବା ସମ୍ପୂର୍ଣ୍ଣ ଦୃଶ୍ୟ ରହିଛି। ଉକ୍ତ ଭିଡିଓଟି ମନ୍ତ୍ରୀଙ୍କ ଭୁବନେଶ୍ୱରସ୍ଥିତ ବାସଭବନରେ ଉତ୍ତୋଳନ ହୋଇଥାଇପାରେ ବୋଲି ଆଲୋଚନା ହେଉଛି। ଯୁବକ ଜଣଙ୍କ ବିବାହିତ। ଉଭୟଙ୍କ ଜାଣତରେ ଓ ସହମତିରେ ଭିଡିଓ ଉତ୍ତୋଳନ କରାଯାଉଥିବା ଜଣାପଡୁଛି। ଘଟଣା ପ୍ରାୟ ୧ମାସ ଭିତରେ ହୋଇଥିବା ଆଲୋଚନା ହେଉଥିବା ବେଳେ ପୋଲିସ ତଦନ୍ତକଲେ ତାହା ସ୍ପଷ୍ଟ ହୋଇଯିବ। ଭିଡିଓ ଭାଇରାଲ ହେବା ପରେ ରାଜନୈତିକ ମହଲ ଓ ସାଧାରଣରେ ଆଲୋଚନାର ବିଷୟ ପାଲଟିଛି। ଜଣେ ମନ୍ତ୍ରୀଙ୍କ ପୁଅ ବୋଲି ଛାଡ଼ିଦିଆଯିବ ନା ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ପୂର୍ବରୁ ପୁଅ ପାଇଁ ମହିଳା ମନ୍ତ୍ରୀ ଜଣଙ୍କ ଅଡୁଆରେ ପଡ଼ିଥିଲେ। ଠିକା କାମକୁ କେନ୍ଦ୍ରକରି ବିଜେଡିର ୨ଗୋଷ୍ଠୀ ମଧ୍ୟରେ ବଚସା ଓ ମାରପିଟ ପର୍ଯ୍ୟନ୍ତ କଥା ଯାଇଥିଲା। ଉଭୟ ଗୋଷ୍ଠୀ ପକ୍ଷରୁ ଥାନାରେ ଅଭିଯୋଗ ହେବା ପରେ ମାମଲା ରୁଜୁ ହୋଇଥିଲା। ପୁଅଙ୍କ ଏଭଳି କାର୍ଯ୍ୟ ପାଇଁ ମହିଳା ମନ୍ତ୍ରୀଙ୍କ ସମ୍ମାନରେ ଆଞ୍ଚ ଆସିବ ବୋଲି ସାଧାରଣରେ ଆଲୋଚନା ହେଉଛି। ଅନେକ ଘଟଣାରେ ପୋଲିସ ମାମଲା ରୁଜୁକରି ବଡ଼ବଡ଼ିଆଙ୍କୁ ଛାଡ଼ି ଦେଉଛି। ଏହି ମାମଲାରେ ତାହା କରିପାରେ ବୋଲି କୁହାଯାଉଛି। ବୁଦ୍ଧିଜୀବୀଙ୍କ ମତରେ ସହମତିରେ ପ୍ରାପ୍ତବୟସ୍କ ବ୍ୟକ୍ତି ଶାରୀରିକ ସମ୍ପର୍କ ରଖିବା ହୁଏତ ଆଇନ ବିରୁଦ୍ଧ ହୋଇ ନ ପାରେ। ହେଲେ ଯୁବତୀଙ୍କ ଏହି ସମୟର ଅଶ୍ଳୀଳ ଭିଡିଓ କରିବା ଓ ଏହାକୁ ଭାଇରାଲ କରିବା ଆଇନ ବିରୁଦ୍ଧ। ସାଧାରଣ ଘଟଣାରେ ପୋଲିସ କଡ଼ା ପଦକ୍ଷେପ ଗ୍ରହଣ କରିଥିବା ନଜିର ରହିଛି। ହେଲେ ମନ୍ତ୍ରୀଙ୍କ ପୁଅ ମାମଲାରେ ପୋଲିସ କି କାର୍ଯ୍ୟାନୁଷ୍ଠାନ ଗ୍ରହଣ କରୁଛି ତାହାକୁ ଅପେକ୍ଷା ବୋଲି ଆଲୋଚନା ହେଉଛି।
