ନୂଆଦିଲ୍ଲୀ,୭।୩ : ପ୍ରତିରକ୍ଷା ମନ୍ତ୍ରଣାଳୟ ମଙ୍ଗଳବାର ୭୦ ଏଚଟିଟି-୪୦ ଟ୍ରେନିଂ ବିମାନ କ୍ରୟ ପାଇଁ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ(ଏଚଏଏଲ) ସହିତ ଏକ ଚୁକ୍ତିନାମା ସ୍ବାକ୍ଷର କରିଛି। ବାୟୁସେନା ଏହି କ୍ରୟ ପାଇଁ ୬,୮୦୦ କୋଟି ଟଙ୍କା ଖର୍ଚ୍ଚ କରିବ।
୩୧,୦୦୦ କୋଟି ଟଙ୍କାରେ ତିନୋଟି କ୍ୟାଡେଟ ଟ୍ରେନିଂ ଜାହାଜ କିଣିବା ପାଇଁ ମନ୍ତ୍ରଣାଳୟ ଲାରସେନ ଆଣ୍ଡ ଟୁବ୍ରୋ ଲିମିଟେଡ ସହିତ ଏକ ଚୁକ୍ତିନାମା ଶେଷ କରିଛି। ମାର୍ଚ୍ଚ ୧ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ସିସିଏସ (କ୍ୟାବିନେଟ କମିଟି ଅଫ ସିକ୍ୟୁରିଟି) ଦ୍ୱାରା ଉଭୟ ଚୁକ୍ତି ଅନୁମୋଦନ ହୋଇଥିଲା। ମଙ୍ଗଳବାର ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି।
ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ଆସନ୍ତା ୬ ବର୍ଷ ମଧ୍ୟରେ ଏଚଏଏଲ ୭୦ ଏଚଟିଟି-୪୦ ଟ୍ରେନିଂ ବିମାନ ଯୋଗାଇବ। ସେହିପରି ଜାହାଜଗୁଡିକର ଡେଲିଭରୀ ୨୦୨୬ ସୁଦ୍ଧା କରାଯିବ।