ନୂଆଦିଲ୍ଲୀ,୧୮।୮: ରାଷ୍ଟ୍ରପତି ରାମନାଥ କୋବିନ୍ଦ ମାନବ ସମ୍ବଳ ବିକାଶ ମନ୍ତ୍ରଣାଳୟର ନାମ ପରିବର୍ତ୍ତନକୁ ଶିକ୍ଷା ମନ୍ତ୍ରଣାଳୟ ଭାବେ ଅନୁମୋଦନ ପ୍ରଦାନ କରିଛନ୍ତି। ସୋମବାର ରାତିରେ ଜାରି କରାଯାଇଥିବା ଅଧିସୂଚନା ଅନୁସାରେ, ଗତ ମାସରେ କ୍ୟାବିନେଟର ମଞ୍ଜୁରୀ ପରେ ନୂତନ ଶିକ୍ଷା ନୀତିର କିଛି ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଥିଲା। ଯାହାକୁ ଏବେ ରାଷ୍ଟ୍ରପତି ଅନୁମୋଦନ ପ୍ରଦାନ କରିଛନ୍ତି। ଏହି ନୂତନ ଶିକ୍ଷା ନୀତି ଆସନ୍ତା ବର୍ଷରୁ ଲାଗୁ ହେବ। ଦୀର୍ଘ ୩୪ ବର୍ଷ ପରେ ଏହି ଶିକ୍ଷାନୀତିରେ ପରିବର୍ତ୍ତନ ଅଣାଯାଇଛି। ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ କାର୍ଯ୍ୟକାଳ ସମୟରେ ୧୯୮୫ରେ ଶିକ୍ଷା ମନ୍ତ୍ରଣାଳୟର ନାମ ମାନବ ସମ୍ବଳ ବିକାଶ(ଏଚ୍ଆରଡି) ମନ୍ତ୍ରଣାଳୟ ରଖାଯାଇଥିଲା। ତେବେ ସେହି ସମୟରେ ପିବି ନରସିଂହ ରାଓ ଥିଲେ ପ୍ରଥମ ଏଚ୍ଆରଡି ମନ୍ତ୍ରୀ।