ବଲିଉଡ୍ ଅଭିନେତା ଶାହିଦ୍ କପୁରଙ୍କ ସ୍ତ୍ରୀ ମୀରା ରାଜପୁତ ନିଜ ଷ୍ଟାଇଲିସ୍ ଅନ୍ଦାଜ୍କୁ ନେଇ ବେଶ୍ ଚର୍ଚ୍ଚାରେ ଥାନ୍ତି। ନିଜ ଫ୍ୟାଶ୍ନକୁ ନେଇ ମଧ୍ୟ ଲୋକଙ୍କ ହୃଦୟ ଜିତିଛନ୍ତି ମୀରା। ବେଳେବେଳେ ନିଜ ଫ୍ୟାଶନକୁ ନେଇ ମଧ୍ୟ ସେ ଟ୍ରୋଲ ହୋଇଥାନ୍ତି। ୨୦୧୯ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବା ପାଇଁ ଅନେକ ବଲିଉଡ୍ ଷ୍ଟାର୍ସଙ୍କୁ ଡକାଯାଇଥିଲା। ଏଥିରେ ସାମିଲ ଥିଲେ ଶାହିଦ୍ କପୁର। ସେ ସ୍ତ୍ରୀ ମୀରା ରାଜପୁତଙ୍କ ସହ ଶପଥ ଗ୍ରହଣ ସମାରୋହରେ ଯୋଗ ଦେଇଥିଲେ। ସେ ଫ୍ଲୋରଲ୍ ଅନାରକଲି ପିନ୍ଧିଥିଲେ। ଯାହାର ମୂଲ୍ୟ ୬୦ ହଜାର ଥିଲା। ସେହିପରି ହାତରେ ଧରିଥିବା ବ୍ୟାଗ୍ର ମୂଲ୍ୟ ୨ ଲକ୍ଷ ଏବଂ ଗୋଡରେ ପିନ୍ଧିଥିବା ଚପଲର ମୂଲ୍ୟ ୬୬ ହଜାର ଥିଲା। ସମାରୋହ ଶେଷରେ ମୀରାଙ୍କୁ ଖାଲି ପାଦରେ ଦେଖିବାକୁ ମିଳିଥିଲା। ସେ ଚପଲକୁ ନିଜ ହାତରେ ଧରି ଯାଉଥିଲେ। ସୋସିଆଲ ମିଡିଆରେ ମୀରାଙ୍କ ଏହି ଫଟୋ ଖୁବ୍ ଭାଇରାଲ ହୋଇଥିଲା।