ମୁମ୍ବାଇ : ଶାହିଦ କପୁର ଏବଂ ମୀରା ରାଜପୁତଙ୍କୁ ବଲିଉଡ୍ର ପର୍ଫେକ୍ଟ ଯୋଡ଼ି କୁହାଯାଏ। ଲକ୍ଡାଉନ୍ ସମୟରେ ଏହି ଯୋଡ଼ି ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହୁଛନ୍ତି। ପ୍ରଶଂସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ପ୍ରତିଦିନ କିଛି ନା କିଛି ଫଟୋ, ଭିଡିଓ ଶେୟାର କରୁଛନ୍ତି। ଏବେ ମୀରା ଏକ ମେସେଜ୍ ଚାଟ୍ର ସ୍କ୍ରିନ୍ଶଟ୍ ଶେୟାର କରିଛନ୍ତି, ଯାହା ଖୁବ୍ ଭାଇରାଲ ହେବାରେ ଲାଗିଛି।
ଇନ୍ଷ୍ଟାଗ୍ରାମରେ ମୀରା ଯେଉଁ ସ୍କ୍ରିନ୍ଶଟ୍ ଶେୟାର କରିଛନ୍ତି, ସେଥିରେ ତାଙ୍କ ପୁଅ ଏବଂ ସ୍ବାମୀ ଶାହିଦ୍ କପୁରଙ୍କ ମଧ୍ୟରେ ହୋଇଥିବା କିଛି କଥାବାର୍ତ୍ତା। ଶାହିଦ ଏବଂ ମୀରାଙ୍କ ଦୁଇ ପିଲା ମୀଶା ଏବଂ ଜୈନ। ଦୁଇଜଣ କେତେବେଳେ ମା’ ମୀରାଙ୍କର ତ କେତେବେଳେ ପିତା ଶାହିଦଙ୍କ ଫୋନ୍ ନେଇ ଚାଟ୍ କରନ୍ତି। ଯାହା ଏହି ସ୍କ୍ରିନ୍ଶଟ୍ରୁ ଜଣାପଡୁଛି। ଏଥିରୁ ମୀରା ଶାହିଦଙ୍କ ନାମଙ୍କୁ କେଉଁ ନାମରେ ସେଭ୍ କରିଛନ୍ତି ତାହା ମଧ୍ୟ ପ୍ରଶଂସକଙ୍କ ଆଗରେ ଧରା ପଡ଼ିଯାଇଛି। ମୀରା ଶାହିଦଙ୍କ ନାମକୁ ‘ଟମି’ ନାମରେ ସେଭ୍ କରିଛନ୍ତି।
କହିରଖୁଛୁ, ଫିଲ୍ମ ‘ଉଡ୍ତା ପଞ୍ଜାବ’ରେ ଶାହିଦଙ୍କ ନାମ ଥିଲା ଟମି। ଏକ ସାକ୍ଷାତକାରରେ ଶାହିଦ୍ କହିଥିଲେ, ମୀରା ଟମି ନାମରେ ତାଙ୍କ ନାଁ ମୋବାଇଲ୍ରେ ସେଭ୍ କରିଛନ୍ତି। ଏହା ପଛରେ ଥିବା କାରଣ ହେଲା ଶାହିଦ୍ ଏବଂ ମୀରାଙ୍କ ସାକ୍ଷାତ୍ ଫିଲ୍ମ ‘ଉଡ୍ତା ପଞ୍ଜାବ’ର ଶୁଟିଂ ସମୟରେ ହିଁ ହୋଇଥିଲା। ମୀରା ଏହି ସ୍କ୍ରିନ୍ଶଟ୍ ଶେୟାର କରିବା ସହ କ୍ୟାପଶନ୍ ଲେଖିଛନ୍ତି, ଅନୁମାନ କରନ୍ତୁ ଇଏ କିଏ? ଏ ତ ଗଲା ତାଙ୍କ ବ୍ୟକ୍ତିଗତ ଜୀବନ କଥା। ଯଦି ଫିଲ୍ମ କଥା ଦେଖିବା ତେବେ ଶାହିଦ୍ଙ୍କୁ ଆଗାମୀ ଫିଲ୍ମ ‘ଜର୍ସି’ରେ ଦେଖିବାକୁ ମିଳିବ। ଏହି ଫିଲ୍ମ ତେଲ୍ଗୁର ରିମେକ୍। ଫିଲ୍ମରେ ଶାହିଦଙ୍କ ବିପକ୍ଷରେ ନାୟିକା ଅଛନ୍ତି ଅଭିନେତ୍ରୀ ମୃଣାଳ ଠାକୁର।