ମୁମ୍ବାଇ: ନିକଟରେ କେହି ଜଣେ ବଲିଉଡର ଭାଇଜାନ ସଲମାନ ଖାନଙ୍କ ନିକଟତମ ବ୍ୟକ୍ତିଙ୍କ ସହ ବିବାଦ କରିଛନ୍ତି। ବର୍ତ୍ତମାନ ସଲମାନ ଖାନଙ୍କ ବଡ଼ିଗାର୍ଡ ଶେରା ରାଗିଯାଇଛନ୍ତି କାରଣ ତାଙ୍କ ମା‘ ସହିତ କେହି ଅସଦାଚରଣ କରିଛନ୍ତି। ଯାହା ପରେ ଶେରା ସେହି ବ୍ୟକ୍ତିଙ୍କୁ ଏକ ଶିକ୍ଷା ଦେବା ପାଇଁ ଆଇନଗତ ମାର୍ଗ ଗ୍ରହଣ କରିଛନ୍ତି। ବାସ୍ତବରେ, ଶେରାଙ୍କର ମାତା ପ୍ରୀତମ କୌର ଜଲିଙ୍କ ସହ ତାଙ୍କ ସୋସାଇଟିର ଜଣେ ସଦସ୍ୟ ସର୍ବସାଧାରଣ ସ୍ଥଳରେ ଖରାପ ଭାଷା ବ୍ୟବହାର କରି ତାଙ୍କ ଭାବମୂର୍ତ୍ତିକୁ କଳଙ୍କିତ କରିବାକୁ ଚେଷ୍ଟା କରିଥିଲେ। ଯାହା ପରେ ଶେରା ସେହି ବ୍ୟକ୍ତିଙ୍କ ବିରୋଧରେ ଡିଏନ ନଗର ପୋଲିସ ଷ୍ଟେଶନରେ ଏଫଆଇଆର୍ ଦାଏର କରିଛନ୍ତି।
ଶେରା ଏବଂ ତାଙ୍କ ପରିବାର ଗତ ୫୦ ବର୍ଷ ଧରି ସେହି ସୋସାଇଟିରେ ବାସ କରୁଛନ୍ତି। ବର୍ତ୍ତମାନ ଶେରାଙ୍କ ମା ଅଭିଯୋଗ କରିଛନ୍ତି ସୋସାଇଟି ସଦସଜୟନ୍ତୀଲାଲ ପଟେଲ ତାଙ୍କୁ ବଦନାମ କରୁଛନ୍ତି ଏବଂ ତାଙ୍କୁ ବିରୋଧରେ ଖରାପ ଭାଷା ମଧ୍ୟ ବ୍ୟବହାର କରୁଛନ୍ତି। ଏହାକୁ ନେଇ ଭାଇଜାନ ଆକ୍ସ ମୁଡରେ ଆସିଛନ୍ତି। ରିପୋର୍ଟ ଅନୁଯାୟୀ, ଏଫଆଇଆର କପିରେ ପ୍ରୀତମ କୌର କହିଛନ୍ତି ଏହି ଘଟଣା ତାଙ୍କ ସ୍ବାମୀଙ୍କ ଉପସ୍ଥିତିରେ ତାଙ୍କ ସୋସାଇଟିର ବାର୍ଷିକ ସାଧାରଣ ସଭା ସମୟରେ ଘଟିଥିଲା। ପଟେଲ ତାଙ୍କୁ କହିଥିଲେ, ’ତୁମେ ନିଜକୁ କ‘ଣ ବୋଲି ଭାବୁଛ? ବର୍ତ୍ତମାନ ଏଜିଏମରେ ଦେଖନ୍ତୁ, ମୁଁ କିପରି ସମସ୍ତଙ୍କ ସାମ୍ନାରେ ତୁମର ପର୍ଦ୍ଦାଫାଶ କରିବି।
ଏହା ପରେ ଶେରା ଏହି ପ୍ରସଙ୍ଗରେ ନିଜର ପ୍ରତିକ୍ରିୟା ପ୍ରକାଶ କରି କହିଥିଲେ, ’ସଚିବ ମୋ ମା’ଙ୍କୁ ଘୃଣା କରନ୍ତି। ସେ ସୋସାଇଟିର ଅନ୍ୟ ୧୩ ଜଣ ସଦସ୍ୟଙ୍କ ସହ ରେଜିଷ୍ଟ୍ରାର କାର୍ଯ୍ୟାଳୟରେ ମୋ ମା’ଙ୍କ ବିରୋଧରେ ଅଭିଯୋଗ କରିଥିଲେ। ସଚିବ ମୋ ମା’ଙ୍କ ଆଡକୁ ଅଙ୍ଗୁଳି ନିର୍ଦ୍ଦେଶ କରିବା ଆରମ୍ଭ କଲେ। ମୁଁ ଭାବିଲି ଏହି ସମସ୍ୟାର ସମାଧାନ ହେବ କିନ୍ତୁ ମାମଲା ଆହୁରି ଖରାପ ହେବାରେ ଲାଗିଛି। ଏକ ପୁସ୍ତକ ପ୍ରକାଶ କରି ମୋ ମାଙ୍କୁ ଟାର୍ଗେଟ କରି କହିଥିଲେ ପ୍ରୀତମ ଜୟନ୍ତୀ ଲାଲ ଏବଂ ସୋସାଇଟି ବିରୋଧରେ ରେଜିଷ୍ଟ୍ରାର କାର୍ଯ୍ୟାଳୟରେ ମିଥ୍ୟା ଅଭିଯୋଗ କରିଛନ୍ତି। କିନ୍ତୁ ସେପରି ନ ଥିଲା। ରେଜିଷ୍ଟ୍ରାର କାର୍ଯ୍ୟାଳୟ ସୋସାଇଟିର ସଚିବଙ୍କୁ ବରଖାସ୍ତ କରିବାକୁ ବିଜ୍ଞପ୍ତି ଜାରି କରିଛନ୍ତି। ଉଚ୍ଚ କର୍ତ୍ତୃପକ୍ଷଙ୍କ କାର୍ଯ୍ୟାଳୟରେ ଏହି ମାମଲା ବିଚାରାଧୀନ ରହିଛି। ସୋସାଇଟି କମିଟିକୁ ଚଳିତ ମାସ ୨୬ ରେ ଡକ୍ୟୁମେଣ୍ଟ ଦାଖଲ କରିବାକୁ କୁହାଯାଇଛି। ଶେରା ଧାରା ୫୦୯ ଏବଂ ୫୦୦ଅନୁଯାୟୀ ଅଭିଯୋଗ ଦାଖଲ କରିଛନ୍ତି।