ଅମୃତସର,୧୬।୫: ଦୁବାଇରୁ ଅମୃତସର ଆସୁଥିବା ବିମାନରେ ଜଣେ ଯୁବକ ଏୟାର ହୋଷ୍ଟେସ୍ଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ଗିରଫ ହୋଇଛନ୍ତି। ଜଲନ୍ଧରସ୍ଥିତ କୋଟଲିର ରଜିନ୍ଦର ସିଂଙ୍କର କୌଣସି କାରଣରୁ ଏୟାର ହୋଷ୍ଟେସ୍ଙ୍କ ସହ ଝଗଡ଼ା ହୋଇଥିଲା। କିଛି ସମୟ ଯୁକ୍ତିତର୍କ ଚାଲିବା ପରେ ରଜିନ୍ଦର ତାଙ୍କୁ ଦୁର୍ବ୍ୟବହାର କରିଥିଲେ। ଘଟଣା ସମୟରେ ରଜିନ୍ଦର ମଦ ପିଇଥିବା ପୋଲିସ କହିଛି। ବିମାନ ଅବତରଣ କରିବା ପରେ ବିମାନ କର୍ତ୍ତୃପକ୍ଷ ରଜିନ୍ଦରଙ୍କୁ ପୋଲିସ ଜିମା ଦେଇ ଥାନାରେ ଅଭିଯୋଗ କରିଥିଲେ।