ଛେନାପୋଡ଼, ଆରିସା ପିଠାକୁ ନେଇ ବିଭ୍ରାନ୍ତ ତଥ୍ୟ

ଭୁବନେଶ୍ୱର,୯।୭(ଶର୍ମିଷ୍ଠା ପାଣିଗ୍ରାହୀ):ଓଡ଼ିଶାର ପରିଚୟ ବହନ କରୁଥିବା ଅନେକ ଜିନିଷକୁ ନେଇ ବହୁ ସମୟରେ ଦ୍ୱନ୍ଦ୍ୱ ସୃଷ୍ଟି ହେଉଛି। ବିଶେଷକରି ଓଡ଼ିଶାର ଅନେକ ଖାଦ୍ୟକୁ ନେଇ ସାମାଜିକ ଗଣମାଧ୍ୟମରେ ତଥ୍ୟ ଘୂରି ବୁଲୁଛି। ରସଗୋଲାକୁ ନେଇ ବହୁ ତର୍କ ବିତର୍କ ପରେ ଶେଷରେ ରସଗୋଲା ଓଡ଼ିଶାର ବୋଲି ପ୍ରମାଣିତ ହୋଇଛି। ରସଗୋଲା ପରେ ଏବେ ଛେନାପୋଡ଼ ଓ ଆରିସା ପିଠାକୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଛି। ଖାଦ୍ୟ ଡେଲିଭରି ଆପ୍‌ ଜମାଟୋରେ ଛେନାପୋଡ଼ ଓ ଆରିସାକୁ ନେଇ ବିଭ୍ରାନ୍ତିକର ତଥ୍ୟ ଦେଖିବାକୁ ମିଳିଛି, ଯାହାକୁ ନେଇ ସାମାଜିକ ଗଣମାଧ୍ୟମରେ ବଏକଟ୍‌ ଜମାଟୋ କମେଣ୍ଟ ସହ ତଥ୍ୟକୁ ତର୍ଜମା ନ କରି ଏଭଳି ପୋଷ୍ଟ କାହିଁକି କରାଯାଇଛି ବୋଲି ପ୍ରଶ୍ନ ହୋଇଛି। ଏପରି କି ଏହାକୁ ତୁରନ୍ତ ଡିଲିଟ କରିବାକୁ ପ୍ରସ୍ତାବ ଦିଆଯାଇଛି।
ଫେସବୁକ୍‌ରେ ପ୍ରଫେସର ଡ. ଭୁବନାନନ୍ଦ ଅଧିକାରୀ ପୋଷ୍ଟ କରି ଲେଖିଛନ୍ତି, ଜମାଟୋରେ ଛେନାପୋଡ଼, ଆରିସା ପାଖରେ ଏହା ଏକ ପାରମ୍ପରିକ ବଙ୍ଗୀୟ ଖାଦ୍ୟ ବୋଲି ଲେଖା ହୋଇଛି। ଆଜିଯାଏଁ ମୋର ଏହି ବିଷୟ ଦୃଷ୍ଟିଗୋଚର ହୋଇ ନ ଥିଲା। କିଛି ବର୍ଷ ତଳେ ରସଗୋଲା ବିବାଦୀୟ ହୋଇଥିଲା। ମହାପ୍ରଭୁଙ୍କ ପାବନ ଇତିହାସକୁ ଭରସା, ବିଶ୍ୱାସ କରି ତାହା ଓଡ଼ିଶାର ବୋଲି ପ୍ରମାଣିତ ହେଲା। ଏପରି କି ଓଡ଼ିଶାର ପ୍ରାତଃସ୍ମରଣୀୟ ପଞ୍ଚସଖା ବଳରାମ ଦାସଙ୍କୁ ବଙ୍ଗୀୟ କହି ବିରୋଧାଭାସର ଶରବ୍ୟ ହେବାପରେ ସର୍ବସାଧାରଣରେ ହିନ୍ଦୀ ସିନେମା ଜଗତର ଖ୍ୟାତନାମା ଗୀତିକାର ମନୋଜ ମୁନ୍ତାଶିର କ୍ଷମା ପ୍ରାର୍ଥନା କରିଥିଲେ। ଏବେ ଛେନାପୋଡ଼ ଆଉ ଆରିସାକୁ ନେଇ ମଧ୍ୟ ବିବାଦୀୟ ପୋଷ୍ଟ କରାଯାଇଛି। ପ୍ରକୃତରେ ଏ ଦୁଇ ମିଠା ଆଉ ପିଠା କାହାର। ଜିଆଇ ମାନ୍ୟତାରେ ଏହି ଦୁଇ ଖାଦ୍ୟର ମୂଳ ଭୂଖଣ୍ଡ କିଏ। ଏସବୁର ପୁଙ୍ଖାନୁପୁଙ୍ଖ ଆଲୋଚନା ଆବଶ୍ୟକ। ଆମେ ଛେନାପୋଡ଼ ଦିବସ ପାଳନ କରୁଛେ। ବିଶ୍ୱ ସ୍ତରରେ ନିଜ ମାଟି ଓଡ଼ିଶାକୁ ଛେନାପୋଡ଼ର ମାଟି ବୋଲି ହୁଙ୍କାର ଦେଉଛେ। ଏହାସତ୍ତ୍ୱେ ଗୋଟିଏ ଫୁଡ ଡେଲିଭରି ଆପ୍‌ର ଏଭଳି ତ୍ରୁଟିରେ ଆମେ ନୀରବ କାହିଁକି ରହିବା ବୋଲି ଅଧିକାରୀ ପ୍ରଶ୍ନ କରିଛନ୍ତି।
ଏନେଇ ଜିଆଇ ଗବେଷିକା ଅନିତା ସାବତ କହିଛନ୍ତି, ସରକାରୀସ୍ତରରେ ପ୍ରୟାସ ନିତାନ୍ତ ଆବଶ୍ୟକ। ଆମେ ଯେତେ ଚେଷ୍ଟା କଲେ ବି ସରକାରୀସ୍ତରରେ ଏହାର ସଂରକ୍ଷଣ, ତଥ୍ୟ, ପ୍ରଚାର ପ୍ରସାର ନେଇ ଉଦ୍ୟମ ହେଉନାହିଁ। ଗ୍ୟାଜେଟ୍‌ରେ ତଥ୍ୟ ପ୍ରକାଶ ପାଉ। ଗବେଷଣା ହୋଇ ପବ୍ଲିକେଶନ କରାଯାଉ। ନୟାଗଡ଼ର ଛେନାପୋଡ଼ ନେଇ ନିକଟରେ ଜିଆଇ ଆବେଦନ କରାଯାଇଛି। ଜିଆଇ ପାଉଥିବା ମିଠା ତଥ୍ୟ ଅନ୍ୟାନ୍ୟ ଦ୍ରବ୍ୟ ଯେଭଳି ଗୋଟିଏ ସ୍ଥାନରେ ମିଳିବ ସେଭଳି ବ୍ୟବସ୍ଥା ହେଉ। ହେରିଟେଜ ମଲ୍‌ ତିଆରି ହେଉ। ନ ହେଲେ ପ୍ରତି ଷ୍ଟେଶନରେ ଜିଆଇ ଉତ୍ପାଦ ଉପରେ ଷ୍ଟଲ୍‌ ହେଉ। ତା’ହେଲେ ଯାଇ ଅଧିକ ପ୍ରଚାର ପ୍ରସାର ହୋଇପାରିବ।
ଛପନଭୋଗର ମୁଖ୍ୟ ସତ୍ୟବ୍ରତ ମହାନ୍ତି କହିଛନ୍ତି, ୬୦ବର୍ଷ ଇତିହାସ ଦେଖିଲେ ଜଣାଯାଏ ଯେ, ଛେନାପୋଡ଼ ନୟାଗଡ଼ର। ଏଭଳି ଭୁଲ ତଥ୍ୟ ଜମାଟୋରେ ପ୍ରକାଶ ପାଇବା ଅତ୍ୟନ୍ତ ଦୁଃଖଦାୟକ। ଏହାର ବିରୋଧ ହେବା ଆବଶ୍ୟକ। ତଥ୍ୟର ତର୍ଜମା କରି ଏହା ଲେଖିବା ଆବଶ୍ୟକ। ଏବେ ସରକାର ପରିବର୍ତ୍ତନ ହୋଇଛନ୍ତି। ଏଭଳି ସମସ୍ୟା କିଭଳି ବାରମ୍ବାର ନ ହେବ ସେନେଇ ସମୂହ ଉଦ୍ୟମ ଆବଶ୍ୟକ। ଜମାଟୋର ଓଡ଼ିଶା ମୁଖ୍ୟଙ୍କ ସହ କଥା ହୋଇ ଏଭଳି ଭୁଲ୍‌ ତଥ୍ୟକୁ କିଭଳି ଶୀଘ୍ର ହଟେଇ ହେବ ସେନେଇ ଚେଷ୍ଟା କରିବି ବୋଲି ମହାନ୍ତି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଶୁଦ୍ଧିକ୍ରିୟା ପାଇଁ ଯାଉଥିବାବେଳେ ଆଖିବୁଜିଲେ ଗୋଟିଏ ପରିବାରର ୩ ସଦସ୍ୟ : ମା’,ବାପା ପୁଅ ମୃତ

କେନ୍ଦୁଝର,୧୫।୩(ନରେଶ ଚନ୍ଦ୍ର ପଟ୍ଟନାୟକ): ହୋଲି ଧୁମଧାମରେ ପାଳନ ହୋଇଥିବା ବେଳେ କେନ୍ଦୁଝର ଜିଲା ଚମ୍ପୁଆ ଥାନା ଅଞ୍ଚଳରେ ଏକ ଦୁଃଖଦ ଘଟଣାଘଟିଛି। ଶନିବାର ସକାଳେ ଚମ୍ପୁଆ...

ନବୀନଙ୍କ ପରେ ଦିଲ୍ଲୀ ଗଲେ ମୁଖ୍ୟମନ୍ତ୍ରୀ ମୋହନ ମାଝୀ, ଦିଲ୍ଲୀରେ ହେବ କି ବଡ଼ ଡିଲ୍‌! ରାଜନୀତିରେ ଚହଳ

ଭୁବନେଶ୍ୱର,୧୫।୩: ଦିଲ୍ଲୀ ଗସ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଆଜିଠାରୁ ଦୁଇ ଦିନିଆ ଗସ୍ତରେ ଅଛନ୍ତି ସିଏମ। ଏହାପୂର୍ବରୁ ଶୁକ୍ରବାର ବିଜେଡି ସୁପ୍ରିମୋ ନବୀନ ପଟ୍ଟନାୟକ...

ରଙ୍ଗର ପର୍ବ ହୋଲିରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୫।୩: ଆଜି ରଙ୍ଗର ପର୍ବ ହୋଲି। ଜଣେ ଜଣକୁ ରଙ୍ଗ ବୋଳି ଶୁଭ ମନାସୁଛନ୍ତି। ଅବିର ଓ ରଙ୍ଗର ତାଳେ ତାଳେ ସଭିଙ୍କ ମନରେ ଭରିଯାଏ...

ରବୀନ୍ଦ୍ର ମଣ୍ଡପରେ ହେମାମାଳିନୀଙ୍କ ଭାରତନାଟ୍ୟମ ନୃତ୍ୟରେ ଦର୍ଶକ ବିମୋହିତ, ହେମା କହିଲେ…

ଭୁବନେଶ୍ୱର,୧୫।୩:(ସୌମ୍ୟରଞ୍ଜନ ରାଉତ): ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଏବଂ ବୃନ୍ଦାବନ ଗୁରୁକୁଳର ମିଳିତ ଆନୁକୂଲ୍ୟରେ ବୃନ୍ଦାବନ ମହୋତ୍ସବ ଶୁକ୍ରବାର ରବୀନ୍ଦ୍ର ମଣ୍ଡପଠାରେ ଅନୁଷ୍ଠିତ...

ଦୁର୍ବୃତ୍ତଙ୍କ ଟଣାଓଟରାରେ ଚଳନ୍ତା ସ୍କୁଟିରୁ ପଡିଲେ ଦମ୍ପତି, ପରେ ଲୁଟି ନେଇ…

ବୈଶିଙ୍ଗା,୧୫।୩:(ରତନ ଦାଶ) ମୟୂରଭଞ୍ଜ ଜିଲାର ବୈଶିଙ୍ଗା ଥାନା ଅର୍ନ୍ତଗତ ୧୮ ନଂ ଜାତୀୟ ରାଜପଥର ହାତୀଝୁରି ଛକରେ ସ୍ପଷ୍ଟ ଦିବାଲୋକରେ ଛିନତାଇ ହୋଇଛି। ଏହି ଘଟଣାରେ...

ଆଜି ରଙ୍ଗର ପର୍ବର ହୋଲି: ଗାଁଠୁ ସହର ସବୁଠି ଆନନ୍ଦ ଉଲ୍ଲାସ

ଭୁବନେଶ୍ୱର,୧୫।୩: ଆଜି ରଙ୍ଗର ପର୍ବ ହୋଲି। ଜଣେ ଜଣକୁ ରଙ୍ଗ ବୋଳି ଶୁଭ ମନାସୁଛନ୍ତି। ଅବିର ଓ ରଙ୍ଗର ତାଳେ ତାଳେ ସଭିଙ୍କ ମନରେ ଭରିଯାଏ...

ଦିଲ୍ଲୀରେ ନବୀନ, ଓଡ଼ିଶାରେ ଚହଳ, ଆଗକୁ ହେବ କି ବଡ଼ ଡିଲ୍‌!

ଭୁବନେଶ୍ୱର,୧୪।୩: ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ନେଇ ଏବେ ଚର୍ଚ୍ଚା ଜୋର। କୁହାଯାଉଛି କି ସେ ଏବେ ଇଣ୍ଡିଆ ମେଣ୍ଟ ଆଡକୁ ଢଳୁଛନ୍ତି। ଆସନ୍ତା ୨୨...

ବାହାହୋଇ ଫସିଗଲେ ପ୍ରଦୀପ ମାଝୀ, ୧୨ ବର୍ଷ ବାସନ୍ଦ କଲେ ଜାତିଭାଇ

ମାଲକାନଗିରି,୧୪।୩(ନୃସିଂହ ଚରଣ ମହାନ୍ତି):  ଅଣ ଆଦିବାସୀଙ୍କୁ ବିବାହ କରିବାରୁ ବାସନ୍ଦ ହେଲେ ପୂର୍ବତନ ଏମ୍‌ପି ତଥା ବିଜେଡି ନେତା ପ୍ରଦୀପ ମାଝୀ। ବିଜେଡି ନେତା ପ୍ରଦୀପ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri
preload imagepreload image