୨୦୨୧ରେ ମିସ୍ ୟୁନିଭର୍ସ ଟାଇଟଲ ଜିତିଥିବା ହରନାଜ୍ ସାନ୍ଧୁ ଏବେ ଚର୍ଚ୍ଚାରେ ଅଛନ୍ତି। ଦୀର୍ଘ ୨୧ ବର୍ଷର ଅପେକ୍ଷା ପରେ ଭାରତର ଝିଅ ହରନାଜ୍ ମିସ ୟୁନିଭର୍ସ ଟାଇଟଲ ଜିତିଥିଲେ। ଟାଇଟେଲ ଜିତିବା ପରେ ହରନାଜ୍ ବିଭିନ୍ନ ଇଭେଣ୍ଟ, ଫ୍ୟାଶନ ଶୋ’ କାର୍ଯ୍ୟକ୍ରମରେ ଅଂଶଗ୍ରହଣ କରୁଛନ୍ତି। ଗତ ମାର୍ଚ୍ଚ ୨୬ରେ ହରନାଜ୍ ଲାକ୍ମି ଫ୍ୟାଶନ ଶୋ’ ଅଂଶଗ୍ରହଣ କରିଥିଲେ। ସେ ରାମ୍ପରେ ଅବତରଣ କରିବା ମାତ୍ରେ ତାଙ୍କ ଓଜନ ବିଷୟରେ ଆଲୋଚନା ଜୋର ଧରିଥିଲା। ଟାଇଟେଲ ଜିତିବାର ୩ ମାସ ପରେ ସେ ଶରୀରର ବହୁତ ଓଜନ ବୃଦ୍ଧି କରିଛନ୍ତି। ତାଙ୍କୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହି କାରଣରୁ ତାଙ୍କୁ ଟ୍ରୋଲ କରାଯାଉଛି। ଟ୍ରୋଲ ହେବା ପରେ ମୁହଁ ଖୋଲିଛନ୍ତି ହରନାଜ୍। ସେ ଏହି ପରିବର୍ତ୍ତନର କାରଣ ଦର୍ଶାଇଛନ୍ତି। ହରନାଜ୍ କହିଛନ୍ତି, ମୋର ଲୋକଙ୍କ ନକାରାତ୍ମକ ମନ୍ତବ୍ୟ କିମ୍ବା ଟ୍ରୋଲ କରିବା ମୋର ଆଦେୀ ଫରକ ପଡେ ନାହିଁ। ମୁଁ ମୋର ଶରୀରକୁ ସମ୍ମାନ କରେ। ମୋର ମୋର Ceilac ନାମକ ଏକ ସମସ୍ୟା ଅଛି। ଏହି ରୋଗରେ ଏକ ପ୍ରକାର ଗ୍ଲୁଟେନ ଆଲର୍ଜି ଅଛି, ଯାହା ଏକ ଅନ୍ତନଳୀ ରୋଗ ଅଟେ। ଏହି କାରଣରୁ ଓଜନ ବଢୁଛି। ଏହି ରୋଗରେ ପୀଡିତ ଲୋକମାନେ ଖାଦ୍ୟ, ଭିଟାମିନ, ମିନେରାଲ୍ସ ଶୋଷିବାରେ ଅସୁବିଧାର ସମ୍ମୁଖୀନ ହୁଅନ୍ତି। ଏହି କାରଣରୁ ଚର୍ମ ତଳେ ଥିବା ସ୍ତରରେ ଚର୍ବି ଜମା ହେବା ଆରମ୍ଭ କରେ ଏବଂ ଶରୀର ଫୁଲିଯାଏ।
