କେନ୍ଦୁଝର,୨୩।୧୦(ସ୍ବ.ପ୍ର.): କେନ୍ଦୁଝର ଜିଲା ସଦର ଥାନା ହଳଦୀଗୁଣା ଗ୍ରାମରେ ଶୁକ୍ରବାର ଏକ ପାଞ୍ଚବର୍ଷୀୟା ଶିଶୁକନ୍ୟା ହତ୍ୟା ଘଟଣା ଚାଞ୍ଚଲ୍ୟ ସୃଷ୍ଟି କରିଛି। ଶିଶୁଟି ଗତ ବୁଧବାରଠାରୁ ନିଖୋଜ ଥିଲେ। ତାଙ୍କୁ କେହି ବଳାତ୍କାର କରି ହତ୍ୟା କରିଥିବା ସନ୍ଦେହ କରାଯାଉଛି। ଘଟଣାସ୍ଥଳକୁ ଏସ୍ଡିପିଓ ପି. ଜେ. ଟପୋ, ସଦର ଥାନା ଅଧିକାରୀ ଜୟ ନାରାୟଣ ଖଣ୍ଡେଇଙ୍କ ସମେତ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି। ମୃତା ଶିଶୁ ଗତ ବୁଧବାର ସନ୍ଧ୍ୟାରେ ଗାଁରେ ଚାଲିଥିବା ଲକ୍ଷ୍ମୀପୂଜା ଦେଖିବାକୁ ଯାଇ ଆଉ ଫେରି ନ ଥିଲେ। ଘର ଲୋକେ ଦୁଇ ଦିନ ଧରି ଖୋଜାଖୋଜି କରି ନ ପାଇବାରୁ ଶୁକ୍ରବାର ସଦର ଥାନାରେ ଲିଖିତ ଅଭିଯୋଗ କରିଥିଲେ। ପୋଲିସ ଗ୍ରାମବାସୀଙ୍କ ସହାୟତାରେ ଖୋଜାଖୋଜି କରିଥିଲା। ଶନିବାର ଗ୍ରାମମୁଣ୍ଡରୁ ପୋଲିସ ତାଙ୍କ ମୃତଦେହ ପାଇଥିଲା।