ନୂଆଦିଲ୍ଲୀ,୧୭।୭ : ସୋମବାରଠାରୁ ବିରୋଧୀ ଦଳଗୁଡ଼ିକ ଦୁଇ ଦିନିଆ ବୈଠକ କରିବାକୁ ଯାଉଛନ୍ତି। କର୍ନାଟକର ରାଜଧାନୀରେ ଆୟୋଜିତ ହେବାକୁ ଥିବା ଏହି ବୈଠକରେ ଭାଜପା ବିରୋଧୀ ସମସ୍ତ ଦଳ ୨୦୨୪ ଲୋକସଭା ନିର୍ବାଚନ ପାଇଁ ରଣନୀତି ସ୍ଥିର କରିବାକୁ ଯାଉଛନ୍ତି।
ଅନ୍ୟପକ୍ଷରେ ଆସନ୍ତାକାଲି ଜୁଲାଇ ୧୮ ମଙ୍ଗଳବାର ଭାଜପା ନେତୃତ୍ୱରେ ଏନଡିଏର ସମସ୍ତ ଦଳ ଦିଲ୍ଲୀରେ ଏକ ବୈଠକ କରିବାକୁ ଯାଉଛନ୍ତି। ଏହି ବୈଠକରେ ୩୦ ଟି ଦଳ ପୁଣି ଥରେ ଏନଡିଏକୁ ସମର୍ଥନ ଜଣାଇବେ ବୋଲି ଚର୍ଚ୍ଚା ହେଉଛି॥
କଂଗ୍ରେସ ଦଳ ଦିଲ୍ଲୀ ଅଧ୍ୟାଦେଶକୁ ବିରୋଧ କରୁଥିବା ଘୋଷଣା କରିବା ପରେ ଆମ ଆଦମୀ ପାର୍ଟିର ମଧ୍ୟ ବିରୋଧୀ ସଭାରେ ଯୋଗଦେବାର ସମ୍ଭାବନା ବଢ଼ିଛି। ଏଥି ସହିତ ମମତା ଯୋଗଦେବାକୁ ଘୋଷଣା କରିସାରିଛନ୍ତି। ଫଳରେ ଆସନ୍ତା ଲୋକସଭା ନିର୍ବାଚନରେ ବିରୋଧୀ ଏବଂ ଏନଡିଏ ମଧ୍ୟରେ ଏକ ଆକର୍ଷଣୀୟ ପ୍ରତିଯୋଗିତା ଦେଖିବାକୁ ମିଳିବାର ସମ୍ଭାବନା ରହିଛି ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି। ।
ବର୍ତ୍ତମାନ ଏନଡିଏରେ ୨୫ ଟି ଦଳ ଅଛନ୍ତି। ସେଥିମଧ୍ୟରେ ଭାଜପା, ଏଆଇଏଡିଏମକେ, ଶିବସେନା (ଏକନାଥ ଶିନ୍ଦେ ଦଳ), ଏନପିପି (ନ୍ୟାଶନାଲ ପିପୁଲ୍ସ ପାର୍ଟି), ଏନଡିପିପି (ନ୍ୟାଶନାଲିଷ୍ଟ ଡେମୋକ୍ରାଟିକ ପ୍ରଗତିଶୀଳ ପାର୍ଟି), ଏସ.କେ. , ଆରପିଆଇ (ରିପବ୍ଲିକ ପାର୍ଟି ଅଫ ଇଣ୍ଡିଆ), ଏମଏନଏଫ (ମିଜୋ ନ୍ୟାସନାଲ ଫ୍ରଣ୍ଟ), ଟିଏମସି (ତାମିଲ ମାନିଲା କଂଗ୍ରେସ), ଆଇପିଏଫଟି (ତ୍ରିପୁରା), ବିପିପି (ବୋଡୋ ପିପୁଲ୍ସ ପାର୍ଟି), ପିଏମକେ (ପାଟଲି ମକ୍କାଲ କାଚି), ଏମଜିପି (ମହାରାଷ୍ଟ୍ରୱାଡି ଗୋମାଣ୍ଟକ ପାର୍ଟି), ଅପନା ଦଲ, ଏଜିପି (ଆସାମ ଗଣ ପରିଷଦ), ରାଷ୍ଟ୍ରିୟ ଲୋକ ଜନକ୍ଷେତ୍ର ପାର୍ଟି, ନିଶାଦ ପାର୍ଟି, ୟୁପିପିଏଲ, ଏଆରଏନସି (ଅଲ ଇଣ୍ଡିଆ ଏନଆର କଂଗ୍ରେସ ପୁଡୁଚେରୀ), ଶିରୋମାନି ଅକାଲୀ ଦଳ ସାନୁକଟା (ଧିନ୍ଦସା), ଏସବିଏସପି (ସୁହେଲଦେବ ଭାରତ ସମାଜ ପାର୍ଟି) ଏବଂ ଜନସେନା (ପୱନ)
ଏବେ ଏନସିପି (ଜାତୀୟତାବାଦୀ କଂଗ୍ରେସ ପାର୍ଟି ଅଜିତ ପାୱାର ଦଳ), ଲୋକ ଜନ ଶକ୍ତି ପାର୍ଟି (ରାମ ବିଲାସ), ହାମ (ହିନ୍ଦୁସ୍ତାନୀ ଆୱାମ ମୋର୍ଚା), ଆରଏଲଏସପି (ରାଷ୍ଟ୍ରୀୟ ଲୋକ ସମତା ପାର୍ଟି) ଏବଂ ଭିଆଇପି (ବିକାଶସେଲ ଇନସାନ ପାର୍ଟି) ମିଳିତ ମଞ୍ଚର ନୂତନ ସଦସ୍ୟ ହେବାକୁ ଯାଉଛନ୍ତି। ଫଳରେ ଏନଡିଏ ଦଳ ସଂଖ୍ୟା ୩୦କୁ ବୃଦ୍ଧି ପାଇବ।
ଅପର ପକ୍ଷରେ ବିରୋଧୀ ଦଳରେ ବିରୋଧୀ ବ୍ଲକ୍ରେ ତିନୋଟି ଜାତୀୟ ଦଳ ଯଥା କଂଗ୍ରେସ, ଏଏପି, ସିପିଏମ, ଏସପି, ଏନସିପି (ଶରଦ ପାୱାର), ଟିଏମସି, ଆରଜେଡି, ଶିବସେନା (ୟୁବିଟି), ଆରଏଲଡି, ଜେଏମଏମ, ନ୍ୟାଶନାଲ କନଫରେନ୍ସ, ସିପିଆଇ, ଡିଏମକେ, ମୁସଲିମ ଲିଗ ଏବଂ ଏମଡିଏମକେ ରହିଛି। ୯ ଟି ନୂଆ ଦଳ ମଧ୍ୟ ଏହାର ଏକ ଅଂଶ ହେବାକୁ ଯାଉଛନ୍ତି । ଫଳରେ ବିରୋଧୀଙ୍କ ସହଯୋଗୀ ସଂଖ୍ୟା ୨୪କୁ ବୃଦ୍ଧି ପାଇବ।