ରଘୁନାଥପୁର,୫।୪(ଡି.ଏନ୍.ଏ.): ଜଗତ୍ସିଂହପୁର ଜିଲାପାଳ ପାରୁଲ ପଟୱାରି, ଉପଜିଲାପାଳ ମହେନ୍ଦ୍ର କୁମାର ମଲ୍ଲିକ ଓ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଜିଲା ପରିଷଦ ରୁଦ୍ରନାରାୟଣ ଦାଶ ମଙ୍ଗଳବାର ନୂତନ ଭାବେ ଖୋଲାଯାଇଥିବା ଅନ୍ନପୂର୍ଣ୍ଣା ମିଶନଶକ୍ତି କାଫେ ପରିଦର୍ଶନରେ ଆସିିଛନ୍ତି। ରଘୁନାଥପୁର ବ୍ଲକ ମହିଳା ମହାସଂଘ ପକ୍ଷରୁ ଖୋଲଯାଇଥିବା ଏହି କ୍ୟାଫେର କାଫେର ଖାଦ୍ୟ ପ୍ରସ୍ତୁତ ଗୃହ ଓ ଭୋଜନାଳୟକୁ ଜିଲାପାଳ ପଟଓ୍ବାରି ବୁଲି ଦେଖିଛନ୍ତି। ମହିଳାଙ୍କ ସ୍ବାବଲମ୍ବୀ ହେବା ନିମନ୍ତେ ଏହା ଏକ ବଳିଷ୍ଠ ମାଧ୍ୟମ ବୋଲି ସେ ପ୍ରକାଶ କରିଛନ୍ତି । ସେହିପରି କାର୍ଯ୍ୟ ନିର୍ବାହୀ ଅଧିକାରୀ ଦାଶ ଶୃଙ୍ଖଳା ଓ ସମୟାନୁବର୍ତ୍ତିତା ଉପରେ ଗୁରୁତ୍ୱାରୋପ କରିଛନ୍ତି। ଏହାଛଡା ବ୍ୟବସାୟର ତରିକା, ଆୟବ୍ୟୟର ହିସାବ ଓ କାଫେର ପରିଚାଳନା ଅତ୍ୟନ୍ତ ଜରୁରୀ ବୋଲି ସେ କହିଛନ୍ତି। ମା’ମାନଙ୍କ ହାତ ତିଆରି ଖାଦ୍ୟ ସୁସ୍ବାଦୁ ଓ କମ୍ ତେଲ ମସଲା ଯୁକ୍ତ ହେଲେ କାଫେର ଚାହିଦା ନିଶ୍ଚିତ ବୃଦ୍ଧି ପାଇବ ବୋଲି ଉପଜିଲାପାଳ ମଲ୍ଲିକ କହିଥିଲେ। କାର୍ଯ୍ୟନିର୍ବାହୀ ଅଧିକାରୀ ଦାଶ ମହିଳାମାନଙ୍କୁ ଏ ସମ୍ପର୍କରେ ଅଧିକ ପ୍ରଶିକ୍ଷଣ ଦେଇଥିଲେ। ମିଶନଶକ୍ତି ସଂଯୋଜିକା ସ୍ନେହପ୍ରିୟା ସ୍ବାଇଁଙ୍କ ସମେତ ସଭାନେତ୍ରୀ ବିଷ୍ଣୁପ୍ରିୟା ଆଚାର୍ଯ୍ୟ, ସମ୍ପାଦିକା ମୃଣ୍ମୟୀ ପଣ୍ଡା, କୋଷାଧ୍ୟକ୍ଷ ପ୍ରମୋଦିନୀ ସ୍ବାଇଁଙ୍କ ସମେତ ମହାସଂଘର ସଦସ୍ୟମାନେ ଉପସ୍ଥିତ ଥିଲେ।