ଅଷ୍ଟ୍ରେଲିଆର ପୂର୍ବତନ ଖେଳାଳି ମିଚେଲ ଜନସନ ୨୦୧୧ରେ ଜେସିକାଙ୍କ ହାତ ଧରିଥିଲେ। ଜେସିକାଙ୍କ ବିବାହ ପୂର୍ବରୁ ଏକ ଭିନ୍ନ ପରିଚୟ ଥିଲା। ଜେସିକା କରାଟେରେ ବେଶ୍ ନାଁ କମାଇଛନ୍ତି। ତାଙ୍କର କଳା ବେଲ୍ଟ ଅଛି। କେବଳ ଏତିକି ନୁହେଁ, କରାଟେରେ ସେ ଜାତୀୟ ସ୍ତରରେ ୩୦ଟି ଏବଂ ଆନ୍ତର୍ଜାତୀୟ ସ୍ତରରେ ୧୪ଟି ଟାଇଟଲ ଜିତିଥିଲେ। ସେ ଜଣେ ମଡେଲ ଏବଂ ବ୍ୟବସାୟୀ ମଧ୍ୟ। ଜେସିକା ମାସ କମୁନିକେସନ ପାଠ ପଢିଛନ୍ତି। ତାଙ୍କ ପିତା ପର୍ଥରେ ସବୁ ବୟସର ଲୋକଙ୍କ ପାଇଁ କରାଟେ ସ୍କୁଲ ଚଳାଉଥିଲେ। ଜେସିକା ତାଙ୍କ ପିତାଙ୍କୁ ଦେଖିବା ପରେ କରାଟେ ପ୍ରତି ଆଗ୍ରହ ପ୍ରକାଶ କରିଥିଲେ। ନଅ ବର୍ଷ ବୟସରୁ ସେ ଏହା ଶିଖିବା ଆରମ୍ଭ କରିଥିଲେ। ଜେସିକା ୨୦୦୬ରେ କରାଟେ ବିଶ୍ୱ ଚାମ୍ପିଅନସିପରେ ବ୍ରୋଞ୍ଜ ଜିତିଥିଲେ। ସେ ତାଙ୍କ ପିତାଙ୍କ ଏକାଡେମୀରେ ୧୫ବର୍ଷ ତାଲିମ ଦେଇଥିଲେ। ଏହା ପରେ, ୨୦୧୧ରେ, ସେ ନିଜ ନାମରେ ଫ୍ୟାଶନ ଆସେସରିଜ ଏବଂ ହ୍ୟାଣ୍ଡବ୍ୟାଗ ଷ୍ଟୋର୍ ଖୋଲିଥିଲେ। ସେଲିବ୍ରିଟିମାନଙ୍କ ମଧ୍ୟରେ ତାଙ୍କର ବ୍ରାଣ୍ଡ ବହୁତ ଲୋକପ୍ରିୟ।