ନୂଆଦିଲ୍ଲୀ,୧।୧୨: ଦିନିକିଆ ବିଶ୍ୱକପ୍ ୨୦୨୩ର ଫାଇନାଲ ମ୍ୟାଚ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା ଏବଂ ଅଷ୍ଟ୍ରେଲିଆ ୬ ଉଇକେଟ୍ରେ ଭାରତକୁ ପରାସ୍ତ କରି ଫାଇନାଲ ମ୍ୟାଚ ଜିତିଥିଲା। ଏହି ବିଜୟ ପରେ ଅଷ୍ଟ୍ରେଲୀୟ ଅଲରାଉଣ୍ଡର ମିଚେଲ ମାର୍ଶଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା, ଯେଉଁଥିରେ ସେ ବିଶ୍ୱକପ୍ ଟ୍ରଫି ଉପରେ ଗୋଡ ରଖିଥିବା ନଜର ଆସିଥିଲେ।
ଏହି ଫଟୋ ଭାଇରାଲ ହେବା ପରେ ମିଚେଲ ମାର୍ଶଙ୍କୁ ଭାରତରେ ବହୁତ ସମାଲୋଚନା କରାଯାଇଥିଲା। ଭାରତୀୟ କ୍ରିକେଟ ପ୍ରଶଂସକମାନେ ଏହାକୁ କ୍ରିକେଟ ଏବଂ ବିଶ୍ୱକପ୍ ଟ୍ରଫିର ଅପମାନ ବୋଲି କହିଥିଲେ। ଗତ ୧୦ ଦିନ ଧରି ସୋସିଆଲ ମିଡିଆରେ ମିଚେଲ ମାର୍ଶଙ୍କ ଏହି ଫଟୋକକୁ ନେଇ ଉତ୍ତେଜନା ଦେଖାଦେଇଛି, ବର୍ତ୍ତମାନ ଶେଷରେ ମାର୍ଶ ତାଙ୍କର ନୀରବତାକୁ ଭାଙ୍ଗିଛନ୍ତି।
ସେନ ରେଡିଓକୁ ଦେଇଥିବା ଏକ ସାକ୍ଷାତକାରରେ ମିଚେଲ ମାର୍ଶ କହିଛନ୍ତି ଯେ ଟ୍ରଫି କିମ୍ବା ଭାରତୀୟ ପ୍ରଶଂସକଙ୍କୁ ଅପମାନିତ କରିବା ତାଙ୍କର ଉଦ୍ଦେଶ୍ୟ ନୁହେଁ। ଯେତେବେଳେ ମିଚେଲଙ୍କୁ ପଚରାଯାଇଥିଲା ଯେ ସେ ପୁଣି ବିଶ୍ୱକପ୍ ଟ୍ରଫିରେ ଗୋଡ ରଖିବେ କି? ଏହାର ଉତ୍ତରରେ ମାର୍ଶ କହିଛନ୍ତି, ସତ କହିବାକୁ ଗଲେ ବୋଧହୁଏ ହଁ, ମୁଁ କରିବି। ମୁଁ ଏ ବିଷୟରେ ଅଧିକ ଚିନ୍ତା କରି ନାହିଁ। ସୋସିଆଲ ମିଡିଆରେ ମୁଁ ଏହା ବିଷୟରେ ଅଧିକ ଦେଖି ନାହିଁ।