ମହେନ୍ଦ୍ର ସିଂ ଧୋନୀଙ୍କୁ ଟି-୨୦ ଏବଂ ଏକଦିବସୀୟ କ୍ରିକେଟର୍ ବାଦ୍ଶାହ ବୋଲି କୁହାଯାଏ। ତାଙ୍କ ନାଁରେ ଅନେକ ରେକର୍ଡ ମଧ୍ୟ ରହିଛି। ଏବେ ଧୋନୀ ଅନ୍ତର୍ଜାତୀୟ କ୍ରିକେଟକୁ ଅଲବିଦା କହିଥିବାରୁ ତାଙ୍କ ନାଁରେ ଥିବା ରେକର୍ଡ ଧୀରେ ଧୀରେ ଭାଙ୍ଗିବା ଆରମ୍ଭ ହେଲାଣି। ଧୋନୀ ଟି-୨୦ରେ ଉଇକେଟ୍ ପଛରେ ସର୍ବାଧିକ ଶିକାର କରିଥିବା ରେକର୍ଡ ହାସଲ କରିଥିଲେ। ଏବେ ଏହି ରେକର୍ଡ ଭାଙ୍ଗିଛି। ସବୁଠୁ ଖାସ୍ କଥା ହେଉଛି ଏହି ରେକର୍ଡକୁ କୌଣସି ପୁରୁଷ କ୍ରିକେଟର୍ ନୁହେଁ, ଜଣେ ମହିଳା କ୍ରିକେଟର୍ ଭାଙ୍ଗିଛନ୍ତି। ଅଷ୍ଟ୍ରେଲିଆର ପ୍ରସିଦ୍ଧ ବୋଲର୍ ମିଚେଲ ଷ୍ଟାର୍କଙ୍କ ସ୍ତ୍ରୀ ତଥା କ୍ରିକେଟର୍ ଏଲିସା ହିଲି ଏହି ରେକର୍ଡ ଭାଙ୍ଗିଛନ୍ତି। ଅନ୍ତର୍ଜାତୀୟ ଟି-୨୦ରେ ଧୋନୀ ମୋଟ ୯୧ଟି ଶିକାର କରିଥିଲେ। ଏଲିସା ବ୍ରିସବେନ୍ରେ ନ୍ୟୁଜିଲାଣ୍ଡ ବିପକ୍ଷରେ ଏହି ରେକର୍ଡ ଭାଙ୍ଗିଥିଲେ। ସେ ଏହି ମ୍ୟାଚ୍ରେ ଗୋଟିଏ ଷ୍ଟମ୍ପିଂ ଏବଂ ଗୋଟିଏ କ୍ୟାଚ୍ ନେଇଥିଲେ। ଏହାକୁ ମିଶାଇ ଏଲିସାଙ୍କ ମୋଟ ୯୨ଟି ଶିକାର କରିଛନ୍ତି। ସେ ୧୧୪ଟି ମ୍ୟାଚ୍ ଖେଳି ୯୯ଟି ପାଳିରେ ୫୦ଟି ଷ୍ଟମ୍ପିଂ ଏବଂ ୪୨ଟି କ୍ୟାଚ୍ ନେଇଛନ୍ତି। ସେହିପରି ଧୋନୀ ୯୮ ମ୍ୟାଚ୍ରେ ୯୭ଟି ପାଳି ଖେଳି ୩୪ଟି ଷ୍ଟମ୍ପିଂ ଏବଂ ୫୭ଟି କ୍ୟାଚ୍ ନେଇଛନ୍ତି।