ଦୁବାଇ,୨୦।୭: ଆଇସିସି ମହିଳା ଦିନିକିଆ ର଼୍ୟାଙ୍କିଙ୍ଗ୍ର ଟପ୍-୩ରେ ସ୍ଥାନ ପାଇଛନ୍ତି ଦୁଇ ଭାରତୀୟ। ଭାରତୀୟ ଦଳର ଅଧିନାୟିକା ମିଥାଲି ରାଜ ପୁଣି ଥରେ ଶୀର୍ଷକୁ ଫେରିଥିବାବେଳେ ୩ୟ ମାନ୍ୟତା ହାସଲ କରିଛନ୍ତି ବାମହାତୀ ଓପନର ସ୍ମ୍ରିତି ମନ୍ଧାନା।
୧୬ ବର୍ଷର କ୍ୟାରିୟରରେ ୯ମ ଥର ପାଇଁ ମିଥାଲି ବ୍ୟାଟ୍ସଓମେନଙ୍କ ତାଲିକାର ଶୀର୍ଷ ସ୍ଥାନ ଅଧିକାର କରିଛନ୍ତି। ପୂର୍ବରୁ ଶୀର୍ଷରେ ଥିବା ଓ୍ବେଷ୍ଟଇଣ୍ଡିଜ୍ ଅଧିନାୟିକା ଷ୍ଟେଫାନି ଟେଲରଙ୍କ ମାନ୍ୟତା ହ୍ରାସ ପାଇବାରୁ ଆଇସିସି ମହିଳା ଦିନିକିଆ ର଼୍ୟାଙ୍କିଙ୍ଗ୍ରେ ଏଭଳି ପରିବର୍ତ୍ତନ ହୋଇଛି। ନିକଟରେ ଶେଷ ହୋଇଥିବା ଇଂଲଣ୍ଡ ବିପକ୍ଷ ସିରିଜ୍ରେ କ୍ରମାଗତ ହାଫ୍ ସେଞ୍ଚୁରି ମାରିଥିବା ମିଥାଲିଙ୍କ ପାଖରେ ଏବେ ୭୬୨ ପଏଣ୍ଟ ରହିଛି।
ବୋଲରଙ୍କ ମଧ୍ୟରେ ଝୁଲନ ଗୋସ୍ବାମୀ ଏକମାତ୍ର ଭାରତୀୟ ଭାବେ ଟପ୍-୧୦ରେ ସ୍ଥାନ ପାଇଛନ୍ତି। ସେ ୫ମ ସ୍ଥାନରେ ରହିଛନ୍ତି।