ଛୋଟ ପରଦାର ଚର୍ଚ୍ଚିତ ଶୋ’ ‘ଅନୁପମା’ରେ ବଲିଉଡ୍ ସୁପରଷ୍ଟାର ମିଥୁନ ଚକ୍ରବର୍ତ୍ତୀଙ୍କ ବୋହୂ ମଦାଲସା ଶର୍ମା ଅଭିନୟ କରୁଛନ୍ତି। ନିକଟରେ ଏହି ଶୋ’ର ଶୁଟିଂ ଚାଲିଥିବା ବେଳେ ବୋହୂ ମଦାଲସାଙ୍କ ପାଇଁ ଶ୍ୱଶୁର ମିଥୁନ ଏକ ସରପ୍ରାଇଜ୍ ପଠାଇଥିଲେ। ଯାହାକୁ ଦେଖିବା ପରେ ମଦାଲସାଙ୍କ ଆଖିଲେ ଲୁହ ଆସିଯାଇଥିଲା। ଏହି ସରପ୍ରାଇଜ୍ଟି ହେଉଛି ଶ୍ୱଶୁରଙ୍କ ହାତତିଆରି ବିରିୟାନୀ। ମଦାଲସା ଶାକାହାରୀ ହୋଇଥିବାରୁ ମିଥୁନ ତାଙ୍କ ପାଇଁ ନିଜ ହାତରେ ଭେଜ୍ ବିରିୟାନୀ ତିଆରି କରି ଶୁଟିଂ ସେଟ୍କୁ ପଠାଇଥିଲେ। ମିଥୁନଙ୍କ ହାତତିଆରି ଏହି ବିରିୟାନୀକୁ ମଦାଲସାଙ୍କ ସମେତ ଶୁଟିଂ ସେଟ୍ରେ ଉପସ୍ଥିତ ସମସ୍ତ ଲୋକ ଖାଇଥିଲେ।
ଏ ନେଇ ମଦାଲସା କୁହନ୍ତି, ବାପା (ମିଥୁନ) ଜଣେ ବହୁତ ଭଲ ରେଷେୟା। ବିଭିନ୍ନ ରୋଷେଇ ବିଷୟରେ ତାଙ୍କର ଭଲ ଜ୍ଞାନ ରହିଛି। ତାଙ୍କ ଶ୍ୱଶୁରଙ୍କ ହାତ ତିଆରି ଖାଦ୍ୟ ଦୁନିଅରେ ସବୁଠାରୁ ସ୍ବାଦିଷ୍ଟ ଖାଦ୍ୟ ବୋଲି ସେ କହିଛନ୍ତି।