ନୂଆଦିଲ୍ଲୀ,୧୭।୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସମସ୍ତ ଭାଜପା ନେତା ଓ କର୍ମୀଙ୍କୁ ଆସନ୍ତା ବର୍ଷ ହେବାକୁଥିବା ଲୋକସଭା ନିର୍ବାଚନ ପାଇଁ ପ୍ରସ୍ତୁତ ହେବାକୁ କହିଛନ୍ତି। ନିର୍ବାଚନ ଆଉ ୪୦୦ ଦିନ ଥିବାବେଳେ ପ୍ରଧାନମନ୍ତ୍ରୀ ଗୁରୁମନ୍ତ୍ର ପ୍ରଦାନ କରିଛନ୍ତିି। ସବୁ ଧର୍ମର ଲୋକଙ୍କ ସହିତ ମିଳାମିଶା କରିବା ସହିତ ବିଶ୍ୱବିଦ୍ୟାଳୟ ଏବଂ ଚର୍ଚ୍ଚକୁ ଯିବାକୁ ସେ କର୍ମୀଙ୍କୁ ପରାମର୍ଶ ଦେଇଛନ୍ତି।
ବିଶେଷ କରି ୧୮ରୁ ୨୫ ବର୍ଷ ବୟସ୍କ ଯୁବବର୍ଗଙ୍କ ମଧ୍ୟରେ ରାଜନୀତି ପ୍ରତି ଆଗ୍ରହ ଜନ୍ମାଇବାକୁ ସେ କହିଛନ୍ତି। ସେମାନେ ସରକାର ପରିଚାଳନା ସମ୍ପର୍କରେ ବିଶେଷ ଭାବରେ ଅବଗତ ଅଛନ୍ତି। ତେଣୁ ସେମାନଙ୍କୁ ଅଧିକ ଗୁରୁତ୍ୱ ପ୍ରଦାନ କରିବାକୁ ସେ ଆହ୍ବାନ ଦେଇଛନ୍ତି।