ନୂଆଦିଲ୍ଲୀ,୨୬।୧୨ : ବିଭିନ୍ନ କରୋନା ଭାରିଆଣ୍ଟ ଏବଂ ଏହାର ଚିକିତ୍ସା ପ୍ରଭାବ ବିଷୟରେ ଇନସାକଗ୍ର ରିପୋର୍ଟ ପ୍ରକାଶ ପାଇଛି। ଏହା ଅନୁଯାୟୀ ଭାରତୀୟ କରୋନା ଆକ୍ରାନ୍ତଙ୍କଠାରେ ବିଭିନ୍ନ ପ୍ରକାରର ମିଶ୍ରିତ ସ୍ବରୂପ ପ୍ରକାଶିତ ହୋଇଛି। ସମ୍ପ୍ରତି, ଜେନୋମ କ୍ରମର ରିପୋର୍ଟ ରାଜ୍ୟମାନଙ୍କ ସହ ଆଦାନପ୍ରଦାନବେଳେ କୁହାଯାଇଥିଲା ଯେ ଗତ ତିନିମାସ ମଧ୍ୟରେ ଭାରତୀୟ ଙ୍କଠାରେ ଏକରୁ ଅଧିକ କରୋନା ଭାରିଆଣ୍ଟର ମିଶ୍ରଣ ବୃଦ୍ଧି ପାଇଛି। ଫଳସ୍ବରୂପ ସେପ୍ଟେମ୍ବର ମାସରୁ ଏବଂ ନଭେମ୍ବରରେ ମିଶ୍ରିତ ଭାରିଆଣ୍ଟ ଏବଂ ସବ-ଭାରିଆଣ୍ଟ ଗୁଡିକ ୭.୫ ରୁ ୫୮ପ୍ରତିଶତକୁ ବୃଦ୍ଧି ପାଇଛି ।
ଗତ ବର୍ଷ ୨୦୨୧ମସିହାରେ ତୃତୀୟ ଲହର ସମୟରେ ମିଳିଥିବା ସମସ୍ତ ପ୍ରକାର ଓମିକ୍ରନ ଭାରିଆଣ୍ଟ ଭାରତୀୟ ଆକ୍ରାନ୍ତମାନଙ୍କଠାରେ ଆଉ ଦେଖାଯାଉ ନାହିଁ । ୨୦୨୦ର, ଆଲଫା ଏବଂ ବିଟା, ୨୦୨୧ ର ଡେଲଟା, ଗାମା ଏବଂ କେପ୍ପା ଭାରିଆଣ୍ଟଗୁଡିକ ମଧ୍ୟ ଅଦୃଶ୍ୟ ହେବାକୁ ଲାଗିଛି। ଯଦିଓ ଏହା ଏକ ଚିନ୍ତାର ବିଷୟ ଯେ ପୁରୁଣା ରୂପ ଅଦୃଶ୍ୟ ହୋଇଯାଉଛି, କିନ୍ତୁ ନୂତନ ମିଶ୍ରିତ ଫର୍ମ ଅର୍ଥାତ ଡବଲ କିମ୍ବା ଟ୍ରିପଲ ମ୍ୟୁଟେଶନ ବାହାରକୁ ଆସୁଛି। ଯାହା ଜନସ୍ବାସ୍ଥ୍ୟ ଦୃଷ୍ଟିରୁ ବହୁତ ଚ୍ୟାଲେଞ୍ଜ ବୋଲି ବିବେଚନା କରାଯାଉଛି। ଇନସାକଗ ଅନୁସାରେ ଚଳିତ ବର୍ଷ ସେପ୍ଟେମ୍ବର ପର୍ଯ୍ୟନ୍ତ ଓମିକ୍ରନ ଏବଂ ଏହାର ସମସ୍ତ ସମ୍ବନ୍ଧୀୟ ଭାରିଆଣ୍ଟ ବହୁ ସଂଖ୍ୟାରେ ଦେଖାଯାଉଥିଲା, କିନ୍ତୁ ଏହା ପରେ ନଭେମ୍ବର ମାସରେ ବାହାରିଥିବା ନମୁନା ଏବଂ ବର୍ତ୍ତମାନ ଡିସେମ୍ବରରେ ସେମାନଙ୍କ ମଧ୍ୟରେ ମିଶ୍ରିତ ଅର୍ଥାତ ରେକମ୍ବିନେଣ୍ଟ ଫର୍ମଗୁଡିକ ଅଧିକ ଦେଖାଯାଉଛି।