ଝାରସୁଗଡ଼ା ଅଫିସ,୧୫।୫: ବ୍ରଜରାଜନଗର ଉପନିର୍ବାଚନ ପାଇଁ ପ୍ରଚାର ଆରମ୍ଭ ହୋଇଯାଇଛି। ଏପରିକି ବିଭିନ୍ନ ଦଳର ରାଜନେତା ପ୍ରଚାର ଲାଗି ବ୍ରଜରାଜନଗରରେ ପହଞ୍ଚତ୍ବା ଆରମ୍ଭ କଲେଣି। ଭୋଟରଙ୍କୁ ନିଜ ସପକ୍ଷରେ ଆଣିବା ପାଇଁ ବିରୋଧୀ ଦଳକୁ ଆକ୍ଷେପ କରି କଟାକ୍ଷ କରିବାକୁ ଆଉ ପଛାଉ ନାହାନ୍ତି। ଇତିମଧ୍ୟରେ ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର ନିର୍ବାଚନ ପ୍ରଚାର ଲାଗି ବ୍ରଜରାଜନଗରରେ ପହଞ୍ଚତ୍ ପ୍ରତିଦ୍ବନ୍ଦ୍ୱୀ କଂଗ୍ରେସ ଓ ବିଜେଡିକୁ ସମାଲୋଚନା କରିଛନ୍ତି। ସେ କଂଗ୍ରେସ ଦଳକୁ କଟାକ୍ଷ କରି ଅସରପା ଗୋଟାଏ ଚଢ଼େଇ, ଓଡ଼ିଶାରେ କଂଗ୍ରେସ ଗୋଟାଏ ପାର୍ଟି, ଓଡ଼ିଶାରେ କିଏ କଂଗ୍ରେସକୁ ଗ୍ରହଣ କରୁଛି ବୋଲି ପ୍ରଶ୍ନ କରିବା ସହ କଂଗ୍ରେସ ଉପନିର୍ବାଚନରେ ପ୍ରତିଦ୍ବନ୍ଦ୍ୱିତାରେ ରହିବ ନାହିଁ ବୋଲି ଜୟନାରାୟଣ କହିଛନ୍ତି। ଏପରିକି ଭାଜପା ବ୍ରଜରାଜନଗର ଉପନିର୍ବାଚନରେ କଂଗ୍ରେସକୁ ଗଣତିରେ ନେଉନାହିଁ ବୋଲି ସେ କହିଛନ୍ତି। ସେହିପରି ବିଜେଡିକୁ ମଧ୍ୟ ଜୟନାରାୟଣ ଛାଡିନାହାନ୍ତି। ସେ କହିଛନ୍ତି, ଝାରସୁଗୁଡା ଜିଲାରେ ଅନେକ ସମସ୍ୟା ରହିଛି । ଏଥିମଧ୍ୟରେ ସମଗ୍ର ଜିଲା ଆଶ୍ପଣ୍ଡରେ ପରିଣତ ହୋଇଛି। ବିଜେଡିବାଲା ଆଶ୍ ଟ୍ରାନ୍ସପୋର୍ଟିଂ କାମରେ ଲାଗିଛନ୍ତି । ଚାଷଜମିକୁ ପୋତି ଜିଲାକୁ ମରୁଭୂମିରେ ପରିଣତ କରିବାରେ ଲାଗିଛନ୍ତି ବୋଲି ସମାଲୋଚନା କରିଛନ୍ତି।