ଭୁବନେଶ୍ୱର,୨୬।୧୧(ବ୍ୟୁରୋ): ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ଝିଅ ଶ୍ରୁତି ପାଣିଗ୍ରାହୀ ଶୁକ୍ରବାର ଇଡି କାର୍ଯ୍ୟାଳୟରେ ହାଜର ହୋଇଛନ୍ତି। ଅଭୟକାନ୍ତ ପାଠକ ଓ ଆକାଶ ପାଠକଙ୍କୁ ଜେରା ବେଳେ ଶ୍ରୁତିଙ୍କ ଆକାଉଣ୍ଟକୁ ବାରମ୍ବାର ଟ୍ରାଞ୍ଜେକ୍ସନ ହୋଇଥିବା ଜଣା ପଡିଥିଲା । ଏ ନେଇ ଇଡି ପକ୍ଷରୁ ଶ୍ରୁତିଙ୍କୁ କାର୍ଯ୍ୟାଳୟରେ ହାଜର ହେବାକୁ ନୋଟିସ୍ ଜାରି କରାଯାଇଥିଲା। ।
ସୂଚନାନୁସାରେ, ପ୍ରଦୀପ ପାଣିଗ୍ରାହୀଙ୍କ ଝିଅ ଶ୍ରୁତି ପାଣିଗ୍ରାହୀଙ୍କ ବିବାହ ଅଭୟକାନ୍ତ ପାଠକଙ୍କ ପୁଅ ଆକାଶଙ୍କ ସହ ହେବା ପାଇଁ ସ୍ଥିର ହୋଇ ସାରିଥିଲା। ହେଲେ ଏହା ପୂର୍ବରୁ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗ ଓ ଠକେଇ ମାମଲାରେ ଉଭୟ ବାପା, ପୁଅ ଓ ପରେ ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ଗିରଫ କରାଯାଇଥିଲା। ଏହାପରେ ଖୋଳତାଳ ବେଳେ ବିଧାୟକ ପାଣିଗ୍ରାହୀଙ୍କ ଝିଅ ଆକାଉଣ୍ଟକୁ ଖୋଳତାଳ କରାଯାଇଥିଲା। ସେହି ସମୟରେ ତାଙ୍କ ଆକାଉଣ୍ଟରେ ବହୁ କାରବାର ହୋଇଥିବା ଜଣାପଡିଥିଲା। ଏହି ମାମଲାର ତଦନ୍ତ ପାଇଁ ଇଡି ଶ୍ରୁତିଙ୍କୁ ପଚରାଉଚରା ପାଇଁ ଡାକିଥିବା ସୂଚନା ମିଳିଛି।
