ପୁରୀ ଅଫିସ, ୨୯।୩: ପୁରୀରେ ମୋ ବସ୍ ସେବା ଆରମ୍ଭ ହେବ। ପୁରୀର ପ୍ରତି ଗଳି କନ୍ଦିରେ ଏପ୍ରିଲ ୧ତାରିଖରୁ ମୋ ବସ୍ ଚାଲିବ। ଏ ନେଇ କ୍ରୁଟ ପକ୍ଷରୁ ସୂଚନା ଦିଆଯାଇଛି। ଭୁବନେଶ୍ୱର ଓ କଟକ ପରେ ସାଧାରଣ ଯାତ୍ରୀଙ୍କ ନିମନ୍ତେ ଏହି ସେବା ପୁରୀରେ ଆରମ୍ଭ ହେବାକୁ ଯାଉଛି । କ୍ୟାପିଟାଲ ରିଜିୟନ ଅର୍ବାନ ଟ୍ରାନ୍ସପୋର୍ଟ (କ୍ରୁଟ) ଦୀର୍ଘ ୪ବର୍ଷ ଧରି କଟକ, ଭୁବନେଶ୍ୱର, ଖୋର୍ଦ୍ଧା, ପୁରୀ ଭଳି ପ୍ରମୁଖ ସହରାଞ୍ଚଳରେ ମୋ ବସ ସେବା ଯୋଗାଇଆସୁଛି । ଯାହାଦ୍ୱାରା ଜନସାଧାରଣଙ୍କ ନିତିଦିନିଆ ଯାତ୍ରାରେ ବେଶ ସହାୟକ ହେଉଛନ୍ତି । ପୂର୍ବରୁ ପୁରୀ ଜିଲାରେ ୨ଟି ରୁଟ୍ରେ ଏକ୍ସପ୍ରେସ ସେବା ଜାରୀ ରହିଥିଲା। ଏଥର ପୁରୀ ସହର ମଧ୍ୟରେ ମୋ ବସ ଚଳାଚଳ ଆରମ୍ଭ ହେବ ।