ଭୁବନେଶ୍ୱର, ୧।୯(ବ୍ୟୁରୋ): ଏଣିକି ସପ୍ତାହର ସମସ୍ତ ୭ ଦିନ ଚାଲିବ ‘ମୋ ବସ୍’। ଏ ନେଇ ମଙ୍ଗଳବାର ସୂଚନା ଦେଇଛନ୍ତି କ୍ରୁଟ୍ ତଥା ଓଏସ୍ଆର୍ଟିସି ପରିଚାଳନା ନିର୍ଦ୍ଦେଶକ ଅରୁଣ ବୋଥ୍ରା। ଅଧିକ ଡିମାଣ୍ଡ ଥିବା ୮ ଟି ରୁଟ୍ରେ ସପ୍ତାହର ସବୁଦିନ ‘ମୋ ବସ୍’ ଚଳାଚଳ କରିବ। ଏହି ରୁଟ୍ଗୁଡିକ ହେଲା ୧୧, ୧୬, ୧୮, ୨୦, ୨୩, ୨୪, ୨୫ ଓ ୩୩।
ତେବେ ଏଥିପାଇଁ କିଛି କଡ଼ା ନିୟମ କରାଯାଇଛି। ଯାତ୍ରୀମାନେ ମାସ୍କ ପିନ୍ଧିବା ଜରୁରୀ। ଛିଡ଼ାହୋଇ କେହି ଯାଇପାରିବେ ନାହିଁ। ସେହିପରି ଡିଜିଟାଲ ପେମେଣ୍ଟ କରିବେ। ଅନ୍ୟପକ୍ଷରୁ ବୁଧବାରଠାରୁ ୨୪ଟି ରୁଟ୍ରେ ଓଏସ୍ଆର୍ଟିସି ବସ୍ ଚଳାଚଳ କରିବ ବୋଲି ବୋଥ୍ରା ସୂଚନା ଦେଇଛନ୍ତି।