ଆଜିର ସମୟରେ, ମୋବାଇଲ ଫୋନ ବିନା ଜୀବନ କଳ୍ପନା କରାଯାଇପାରିବ ନାହିଁ। କିନ୍ତୁ ୨୫ ବର୍ଷ ପୂର୍ବେ, ଲୋକମାନେ ମୋବାଇଲ ଫୋନ ବିନା ନିଜ କାମ ଚଳାଉଥିଲେ। ମୋବାଇଲ ଫୋନ ଏବେ ବିଶ୍ୱର ଦ୍ୱିତୀୟ ବୃହତ୍ତମ ଟେଲିକମ ବଜାରରେ ପରିଣତ ହୋଇଛି। ଜୁଲାଇ ୩୧ରେ ଭାରତରେ ମୋବାଇଲର ମୂଳଦୁଆ ପକାଯାଇଥିଲା। ୧୯୯୫ ରେ ଜୁଲାଇ ୩୧, ପଶ୍ଚିମବଙ୍ଗର ତତ୍କାଳୀନ ମୁଖ୍ୟମନ୍ତ୍ରୀ ଜ୍ୟୋତି ବସୁ ତତ୍କାଳୀନ କେନ୍ଦ୍ର ଟେଲିକମ ମନ୍ତ୍ରୀ ସୁଖ ରାମଙ୍କୁ ପ୍ରଥମ ମୋବାଇଲରେ ଫୋନ୍ କରିଥିଲେ।
ଭାରତରେ ମୋବାଇଲ ସେବା ୨୫ ବର୍ଷ ପୂର୍ବେ ୩୧ ଜୁଲାଇ ୧୯୯୫ରେ ଆରମ୍ଭ ହୋଇଥିଲା। ସେଦିନ ମୋବାଇଲରୁ ଭାରତରେ ପ୍ରଥମ କଲ କରାଯାଇଥିଲା। ସେହି ସମୟରେ, ବାହାରକୁ ଯାଉଥିବା କଲ ସହିତ ଆସୁଥିବା କଲ ପାଇଁ ମଧ୍ୟ ଟଙ୍କା ଦେବାକୁ ପଡୁଥିଲା। ପଶ୍ଚିମ ବଙ୍ଗର ତତ୍କଳୀନ ମୁଖ୍ୟମନ୍ତ୍ରୀ ଜ୍ୟୋତି ବସୁ କୋଲକାତା ରାଇଟର୍ସ ବିଲଡିଂରୁ ନୂଆଦିଲ୍ଲୀର ସଞ୍ଚାର ଭବନ ଏହି କଲ କରିଥିଲେ। ଭାରତର ପ୍ରଥମ ମୋବାଇଲ ଅପରେଟର କମ୍ପାନୀ ଥିଲା ମୋଦୀ ଟେଲଷ୍ଟ୍ରା। ଏହି ନେଟୱାର୍କରେ ପ୍ରଥମ ମୋବାଇଲ କଲ କରାଯାଇଥିଲା। ମୋଦି ଗ୍ରୁପ ଅଫ ଇଣ୍ଡିଆ ଏବଂ ଅଷ୍ଟ୍ରେଲିଆର ଟେଲଷ୍ଟ୍ରାର ମିଳିତ ଉଦ୍ୟମରେ ସମ୍ଭବ ହୋଇପାରିଥିଲା। ଏହି କମ୍ପାନୀ ୮ଟି କମ୍ପାନୀ ମଧ୍ୟରୁ ଗୋଟିଏ ଥିଲା ଯାହା ଦେଶରେ ସେଲୁଲାର୍ ସେବା ଯୋଗାଇବା ପାଇଁ ଲାଇସେନ୍ସପ୍ରାପ୍ତ ଥିଲା।
୧୯୯୫ ରୁ ଭାରତରେ ଟେଲି ଯୋଗାଯୋଗ ଏକ ଦୀର୍ଘ ରାସ୍ତା ଅତିକ୍ରମ କରିଛି। ମୋବାଇଲ ସେବା ଆରମ୍ଭ ହେବାର ବର୍ଷ ବର୍ଷ ପରେ ମୋବାଇଲ ଗ୍ରାହକଙ୍କ ସଂଖ୍ୟା ୫ ନିୟୁତରେ ପହଞ୍ଚିଛି। ୨୦୧୫ ମେ ଶେଷରେ, ଦେଶରେ ସମୁଦାୟ ଟେଲିଫୋନ ସଂଯୋଗ ସଂଖ୍ୟା ଏକ ବିଲିୟନ ମାର୍କ ଅତିକ୍ରମ କରିଛି।
