ବହୁଚର୍ଚ୍ଚିତ କାନ୍ସ ଫିଲ୍ମ ଫେଷ୍ଟିଭାଲ ଆରମ୍ଭ ହୋଇଛି। ଜୁଲାଇ ୬ରୁ ଆରମ୍ଭ ହୋଇଥିବା ଏହି ଫେଷ୍ଟିଭାଲ ଜୁଲାଇ ୧୭ ପର୍ଯ୍ୟନ୍ତ ଚାଲିବ। ପ୍ରତିବର୍ଷ ଅନେକ ହଲିଉଡ ଏବଂ ବଲିଉଡ ତାରକା କାନ୍ସ ଫିଲ୍ମ ଫେଷ୍ଟିଭାଲର ରେଡ କାର୍ପେଟରେ ନିଜର ସୌନ୍ଦର୍ଯ୍ୟ ପ୍ରଦର୍ଶନ କରୁଥିବା ଦେଖାଯାଏ। ଏହି ଫିଲ୍ମ ମହୋତ୍ସବରେ ପ୍ରତିଥର ଜଣେ ଜଣେ କଳାକାର ଏମିତି ଥା’ନ୍ତି, ଯାହାଙ୍କ ସୌନ୍ଦର୍ଯ୍ୟ ଚର୍ଚ୍ଚାରେ ଥାଏ। ଏଥର ବିଦେଶୀ ସୁପରମୋଡେଲ ବେଲା ହଦିଦଙ୍କ ଅନନ୍ୟ ଫ୍ୟାଶନ ଚର୍ଚ୍ଚାର ପରିସରକୁ ଆସିଛି।
ବେଲା କାନ୍ସ ଫିଲ୍ମ ଫେଷ୍ଟିଭାଲ ୨୦୨୧ର ରେଡ କାର୍ପେଟରେ ଅବତରଣ କରିବା ମାତ୍ରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ସମସ୍ତେ ତାଙ୍କ ଲୁକ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ସୋସିଆଲ ମିଡିଆରେ ମଧ୍ୟ ସୌନ୍ଦର୍ଯ୍ୟ ବିଷୟରେ ଆଲୋଚନା ହେଉଛି। ବେଲା ଏହି ଫିଲ୍ମ ଫେଷଷ୍ଟିଭାଲରେ ଏକ କଳା ପୋଷାକ ସହିତ ଲାଲ କାର୍ପେଟକୁ ଆସିଥିଲେ। ଯଦିଓ ତାଙ୍କ ପୋଷାକ ନୁହେଁ ବରଂ ତାଙ୍କ ନେକ୍ଲେସ୍ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ବେଲାଙ୍କ ଏହି ସୁନା ନେକ୍ଲେସ୍ଟି ଦେଖିବାକୁ ଫୁସଫୁସ ଆକାରର। ବେଲା ଡାନିଏଲ ରୋଜବେରୀର ସିଆପରେଲି ୨୦୨୧ କଲେକସନ୍ର ଏହି ହାର ପିନ୍ଧିଥିଲେ। ଏହି ହାରର ନାମ ଲଙ୍ଗ୍ସ ଦିଆଯାଇଛି। ବେଲା ନିଜ ବୋଲ୍ଡ ଅନ୍ଦାଜ୍ ପାଇଁ ଜଣାଶୁଣା। କିଛିଦିନ ପୂର୍ବରୁ ସେ କ୍ୟାଟ୍ଉମେନ୍ ଅବତାରରେ ନଜର ଆସିଥିଲେ।