ବଲିଉଡ୍ରେ ଅନେକ ଅଭିନେତ୍ରୀ ଅଛନ୍ତି ଯେଉଁମାନେ କୌଣସି ନା କୌଣସି କାରଣ ପାଇଁ ଲଣ୍ଡା ହୋଇଛନ୍ତି। ତାଙ୍କର ଏପରି ନିଷ୍ପତ୍ତିକୁ ପ୍ରଶଂସା ମଧ୍ୟ କରାଯାଇଛି। ଏବେ ଏହି ତାଲିକାରେ ଯୋଡି ହୋଇଯାଇଛି ଆଉ ଜଣେ ଅଭିନେତ୍ରୀ ତଥା ମଡେଲଙ୍କ ନାମ । ସେ ହେଲେ ନିନା ସରକାର। ଫିଲ୍ମ ‘ମଣି ଦେବା ଭବ’ର ଲେଜା ଲେଜା ଗୀତ ପାଇଁ ନିନା ବେଶ୍ ଲୋକପ୍ରିୟ। ତେବେ ନିନା ନିଜ କେଶକୁ ଦାନ କରିବା ପାଇଁ ଲଣ୍ଡା ହୋଇଛନ୍ତି। ଏଥିପାଇଁ ନିଜେ ନିନା ଟ୍ରିମରରେ ନିଜ କେଶକୁ କାଟିଛନ୍ତି। ଏହାର ଭିଡିଓ ସେ ସୋସିଆଲ ମିଡିଆରେ ଶେୟାର ମଧ୍ୟ କରିଛନ୍ତି।
ନିନା ନିଜ ଇନ୍ଷ୍ଟାଗ୍ରାମ୍ରେ ୨ଟି ଭିଡିଓ ଶେୟାର କରିଛନ୍ତି। ପ୍ରଥମ ଭିଡିଓରେ ମୋଟା ଏବଂ ସୁନ୍ଦର କେଶ ସହ ତାଙ୍କୁ ଦେଖିବାକୁ ମିଳୁଛି। ନିଜର ସୁନ୍ଦର କେଶ ପାଇଁ ଭିଡିଓରେ ସେ ଧନ୍ୟବାଦ ମଧ୍ୟ ଜଣାଉଛନ୍ତି। ପରେ ନିନା ଟ୍ରିମର ସାହାଯ୍ୟରେ ନିଜ କେଶକୁ କାଟୁଥିବାର ଦେଖିବାକୁ ମିଳୁଛି। ଦ୍ୱିତୀୟ ଭିଡିଓରେ ନିନା ସମ୍ପୂର୍ଣ୍ଣ ଲଣ୍ଡା ହୋଇଯାଇଥିବା ଦେଖିବାକୁ ମିଳୁଛି। ନିନା ଏହି କେଶ ବିକ୍ରି କରୁନାହାନ୍ତି ବରଂ ଦାନ କରୁଥିବା କହିଛନ୍ତି। ନିନାଙ୍କ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ତାଙ୍କର ଏହି ଲୁକ୍କୁ ପ୍ରଶଂସକ ପସନ୍ଦ ମଧ୍ୟ କରୁଛନ୍ତି।