କେଉଁ ମଡେଲ ପତଳା ଅଣ୍ଟାକୁ ନେଇ ପ୍ରସିଦ୍ଧ ତ ଆଉ କିଏ ନିଜ କେଶ, ନଖକୁ ନେଇ ପ୍ରସିଦ୍ଧ। ସେମିତି ଜଣେ ମଡେଲ ତାଙ୍କ ଗାଲକୁ ନେଇ ଖୁବ୍ ଚର୍ଚ୍ଚାରେ। ଏହି ଚର୍ଚ୍ଚିତ ମଡେଲଙ୍କ ନା ଆନାସ୍ତାସିଆ ପୋକ୍ରେଶଚୁକ। ସେ ତାଙ୍କ ପୂର୍ବର ଏବଂ ବର୍ତ୍ତମାନର କିଛି ଫଟୋ ଶେୟାର କରିଛନ୍ତି। ୟୁକ୍ରେନର ଏହି ମଡେଲଙ୍କ କହିବା କଥା ତାଙ୍କ ଗାଲ ଦୁନିଆର ସବୁଠୁ ବଡ଼। ସେ ତାଙ୍କର ଗାଲକୁ ଏପରି କରିବା ପାଇଁ ପ୍ଲାଷ୍ଟିକ ସର୍ଜରି କରିଛନ୍ତି। ଫଳରେ ଏକ ନୂଆ ଲୁକ୍ ପାଇଛନ୍ତି। ସେ କହିଛନ୍ତି, ୩ ବର୍ଷ ମଧ୍ୟରେ ତାଙ୍କ ଚେହେରାରେ ଅନେକ ପରିବର୍ତ୍ତନ ହୋଇଛି।
ମଡେଲ ଜଣକ ତାଙ୍କର କିଛି ଫଟୋ ନିଜ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଯେତେବେଳେ ତାଙ୍କୁ ୩୦ ବର୍ଷ ହୋଇଥିଲା ସେହି ସମୟର ଫଟୋ। ଫଟୋରେ ଦେଖିବାକୁ ମିଳିଛି ସେତେବେଳେ ତାଙ୍କ ଚେହେରା ଅତି ସାଧାରଣ ଥିଲା। ତାଙ୍କର ଧୂସର ରଙ୍ଗର କେଶ ଥିଲା। ମେକ୍ଅପ୍ ବି ଖୁବ୍ କମ୍ ଲଗାଇଥିଲେ। ପରେ ଗାଲକୁ ବଡ଼ କରିବା ପାଇଁ କସ୍ମେଟିକ୍ ସର୍ଜରିର ସାହାରା ନେଇଥିଲେ। ଏଥିପାଇଁ ତାଙ୍କୁ ୧ ଲକ୍ଷ ୫୦ ହଜାର ଟଙ୍କା ଖର୍ଚ୍ଚ କରିବାକୁ ପଡ଼ିଥିଲା। ଆନାସ୍ତାସିଆ ତାଙ୍କର ଏହି ବଡ଼ ଗାଲ ଏବଂ ଓଠ ପାଇଁ ସାରା ବିଶ୍ୱରେ ଚର୍ଚ୍ଚିତ।
ଇନ୍ଷ୍ଟାଗ୍ରାମରେ ସେ ଫଟୋ ଶେୟାର କରି ଏଥିରେ କ୍ୟାପଶନ ଲେଖିଛନ୍ତି, ୩୦ ବର୍ଷ ଏବଂ ୩୩ ବର୍ଷର ଫଟୋ। ଯୁବକମାନେ ତୁମେ କେଉଁଟାକୁ ପସନ୍ଦ କରିବ। ତାଙ୍କର ଏହି ଫଟୋକୁ ହଜାର ହଜାର ଲୋକ ପସନ୍ଦ କରିଛନ୍ତି। ଜଣେ ୟୁଜର ଲେଖିଛନ୍ତି, ମୁଁ ବାମପଟରେ ଥିବା ଫଟୋକୁ ପସନ୍ଦ କରିବି। କାରଣ ଏଥିରେ ତୁମେ ଖୁବ୍ ସୁନ୍ଦର ଦିଶୁଛ। ସେହିପରି ଆଉ ଜଣେ ୟୁଜର ଲେଖିଛନ୍ତି, ଏସବୁ ନକଲି। ଅନ୍ୟଜଣେ ୟୁଜର ଲେଖିଛନ୍ତି, ତିନି ବର୍ଷ ପୂର୍ବେ ତୁମେ ବହୁତ ସୁନ୍ଦର ଥିଲ।
ଆନାସ୍ତାସିଆ କେବଳ ଚେହେରାକୁ ନେଇ ନୁହଁ ବରଂ ତାଙ୍କ ଷ୍ଟାଇଲ୍ ମଧ୍ୟ ବଦଳାଇ ଦେଇଛନ୍ତି।