ନୂଆଦିଲ୍ଲୀ: ଅଭିବୃଦ୍ଧିର ଇଞ୍ଜିନ ହୋଇଥିବା ସାରା ବିଶ୍ୱର ସହରଗୁଡିକ ବିପଦଠାରୁ ଦୂରରେ ନାହିଁ। କୋଭିଡ୍-୧୯ ଏହା ପ୍ରମାଣିତ କରିଛି ବୋଲି ମଙ୍ଗଳବାର ବ୍ଲୁମବର୍ଗ ନିୟୁ ଇକୋନୋମିକ ଭର୍ଚୁଆଲ ଫୋରମ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା କହିଛନ୍ତି। ପୁଣି ଥରେ ନୂଆ ଆରମ୍ଭ କରିବା ପୂର୍ବରୁ ପ୍ରସ୍ତୁତ ହେବାକୁ ଥିବା କୋଭିଡ୍-୧୯ ପୁଣି ଥରେ ଆମକୁ ସୁଯୋଗ ଦେଇଛି ବୋଲି ସେ ମତ ରଖିଛନ୍ତି। ଜୀବନ ଧାରା ବର୍ତ୍ତମାନ ସମ୍ପୂର୍ଣ୍ଣ ବଦଳି ଯାଇଛି। ପୁଣି ଥରେ କିଭଳି ସ୍ବାଭାବିତ ଭାବେ ଆରମ୍ଭ କରାଯିବ ତାହା ବର୍ତ୍ତମାନ ବିଶ୍ୱ ସାମ୍ନାରେ ପ୍ରଶ୍ନବାଚୀ। ଅର୍ବାନ ସେଣ୍ଟରଗୁଡିକୁ ପୁଣି ଥରେ ପୁନର୍ଜିବିତ କରିବାର ଆବଶ୍ୟକତା ରହିଛି। ଭାରତରେ ମଧ୍ୟ ସହରଗୁଡିକୁ ଲୋକଙ୍କ ନିରନ୍ତର ଜୀବନଧାରଣ ପାଇଁ ଉପଯୁକ୍ତ କରି ଗଢିବାକୁ ହେବ ବୋଲି ପ୍ରଧାନମନ୍ତ୍ରୀ ମତ ବ୍ୟକ୍ତ କରିଛନ୍ତି।